20.04.2012
/ 10:19 / Ałharytmičny łacinski varyjant
Dvoje novapałačanaŭ asudžanyja za padpał mašyny byłoha načalnika IČU
Sud Navapołacka vynies vyrak dvum žycharam hetaha horada, jakija padpalili ŭ vieraśni minułaha hoda aŭtamabil byłoha načalnika izalatara časovaha ŭtrymańnia Navapołackaha HAUS.
Zdareńnie adbyłosia ŭ dvary žyłoha doma ŭ mikrarajonie Vasileŭcy. Padčas pjanki ŭ dvary chtości z sabutelnikaŭ niaŭchvalna adazvaŭsia pra byłoha načalnika izalatara časovaha ŭtrymańnia i skazaŭ, što niadrenna było b jaho pakarać. Zadumanaje vyrašyli vykanać dvoje pryjacielaŭ — nieadnarazova sudzimy miascovy žychar i jaho znajomy-ałkaholik. Unačy jany abkłali koły ryźziom, ablili ich salarkaj i čyrknuli zapałkaj. U aŭtamabili «Aŭdzi A6», jaki naležaŭ načalniku IČU, vyharała zadniaja častka — škoła skłała kala 20 młn rubloŭ. Akramia taho, paciarpieŭ aŭtamabil «Tajota», što stajaŭ pobač.
Raniej sudzimaha novapałačanina sud asudziŭ na try hady pazbaŭleńnia voli z adbyvańniem pakarańnia ŭ kałonii ŭzmocnienaha režymu. Jaho zmoŭščyk adpraŭleny na prymusovaje lačeńnie ad ałkahalizmu i atrymaŭ 4 hady abmiežavańnia voli. Taksama ź vinavatych spahnana 25 młn rubloŭ materyjalnaj i maralnaj škody.
region.ej.by
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
