Kiraŭnik Maskoŭskaha rajona: chutčej za ŭsio ŭščylniać Malinaŭku nie budziem
Pra horadabudaŭničyja pierśpiektyvy raźvićcia Maskoŭskaha rajona Minska raskazaŭ u intervju haziecie «Minski kurjer» kiraŭnik miascovaj administracyi Jaŭhien Voŭna.
Čynoŭnik pryznaŭ, što ŭ Brylevičach «kulhaje» infrastruktura krokavaj dastupnaści i paskardziŭsia na nieadnaznačnuju reakcyju miascovych žycharoŭ na ŭščylnieńnie zabudovy.
U pryvatnaści, kažučy pra novaje budaŭnictva ŭ Malinaŭcy, Jaŭhien Voŭna zaŭvažyŭ:
— My sprabujem razhladać varyjanty «pasadki» damoŭ u najaŭnaj zabudovie, choć heta nie zaŭsiody ŭsprymajecca nasielnictvam adnaznačna. Tamu chutčej za ŭsio ŭščylniać kvartały nie budziem. U Maskoŭskim niamała terytoryi zaniata pryvatnym siektaram, časta starym. Ale kab asvoić hetyja placoŭki, treba adsialić ludziej i zabiaśpiečyć infrastrukturu. Dyvanovy znos, jak heta było ź vioskaj Družba, siońnia niemahčymy.
Pavodle słovaŭ kiraŭnika rajonnaj administracyi, siońnia jość reziervy dla ŭščylnieńnia ŭ Michałovie. Na miescy byłoj adnajmiennaj vioski možna ŭźvieści da vaśmi šmatpaviarchovych damoŭ.
Pavodle słovaŭ Jaŭhiena Voŭny, dva novyja korpusy Studenckaj vioski zdaduć hetaj vosieńniu. Miž internatami i čyhunkaj, na miescy byłoj vioski Družba, razhorniecca aktyŭnaje budaŭnictva novaha rajona. Žyłoj zabudovaj budzie zaniataja ŭsia vulica Siamaški ad
Asobna Jaŭhien Voŭna vykazaŭsia z nahody raźvićcia Brylevičaŭ — mikrarajona masavaj zabudovy apošnich hadoŭ.
— Zadača numar adzin dla Brylevičaŭ — stvareńnie abjektaŭ sackultbytu, — rastłumačyŭ jon. — Žyllo pabudavali chutka, ale žychary adčuvajuć ciažkaści, nie majučy ŭ krokavaj dastupnaści dastatkovaj kolkaści kramaŭ, adździaleńniaŭ bankaŭ, aptek. Ź inšaha boku, padčas budaŭnictva praduhledžvałasia mnostva ŭbudavanych pamiaškańniaŭ na pieršych pavierchach, dzie takija abjekty pavinnyja być. Amal u kožnaha takoha pamiaškańnia jość inviestary. Jany ŭkłali srodki na stadyi budaŭnictva, ale kab pačać pracu, nieabchodnaje abstalavańnie, azdableńnie. Našaja zadača — paskoryć hetyja pracesy.
Najbližejšym časam u Brylevičach płanujecca adkryćcio paštovaha adździaleńnia i niekalkich kramaŭ. U lipieni płanujuć uvieści ŭ ekspłuatacyju dziciačy sadok, treci pa liku ŭ rajonie. U
Ciapier čytajuć
Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki39
Kamientary