8 maja ŭ Minsku adbyłosia adkryćcio častki ekspazicyi Mastackaj halerei Michaiła Savickaha.
Jana znachodzicca ŭ budynku, što raźmieščany na płoščy Svabody, 15, — u byłoj haradskoj siadzibie XVIII stahodździa, viadomaj svajoj bahataj historyjaj. Na hetym budynku ŭ svoj čas spyniŭ vybar sam mastak.
Ekspazicyja, pryśviečanaja tvorčaści Savickaha, raźmieščana ŭ dzieviaci załach — tut pradstaŭlena kala saraka rabot sa zboraŭ Nacyjanalnaha mastackaha muzieja Biełarusi, Muzieja historyi horada Minska, a taksama siamji mastaka.
U halerei adnoŭleny interjer rabočaha kabinieta ŭ tvorčych akademičnych majsterniach žyvapisu, hrafiki i skulptury, stvoranych pa inicyjatyvie mastaka ŭ 1981 hodzie, a taksama abstanoŭka jaho majsterni. Tut ekspanujecca niezakončanaja karcina Savickaha, pryśviečanaja dziciačamu łahieru śmierci Skabraŭka pad Marjinaj Horkaj, dzie ŭ junych viaźniaŭ zabirali kroŭ dla niamieckich sałdat.
U cyrymonii adkryćcia ŭziali ŭdzieł staršynia Minharvykankama Mikałaj Ładućka i ministr kultury Pavieł Łatuška.
Kamientary