Maksymalnaje pakarańnie za niezakonnaje zdabyvańnie ryby abo vodnych žyvioł — čatyry hady źniavoleńnia.
20 sakavika paśla praviadzieńnia pravierki raspačata kryminalnaja sprava zhodna z častkaj 3 artykuła 281 Kryminalnaha kodeksa Biełarusi (niezakonnaje zdabyvańnie ryby abo vodnych žyvioł) u dačynieńni da 25‑hadovaha rabočaha Minskaha zavoda aciaplalnaha abstalavańnia.
Jak paviedamili ŭ adździele infarmacyi i hramadskich suviaziej UUS Minabłvykankama, minčanin 16 sakavika pryblizna ŭ 13.00 na vadaschoviščy Krynica niepadalok ad pasiołka Ždanovičy z vykarystańniem načyńnia dla padvodnaha palavańnia niezakonna zdabyŭ 76 rakaŭ na 3 miljony 534 tysiačy rubloŭ.
Sankcyi č. 3 art. 281 KK: štraf, abo pazbaŭleńnie prava zajmać peŭnyja pasady ci zajmacca peŭnaj dziejnaściu, abo aryšt na termin ad troch da šaści miesiacaŭ, abo abmiežavańnie voli na termin da troch hadoŭ, abo pazbaŭleńnie voli na termin da čatyroch hadoŭ z pazbaŭleńniem prava zajmać peŭnyja pasady ci zajmacca peŭnaj dziejnaściu abo biez pazbaŭleńnia.
Kamientary