Siarhiej Kavalenka vyviezieny ź viciebskaha SIZA ŭ nieviadomym napramku
Mahčyma, jaho adpravili na etap.
Siarhiej Kavalenka, haładajučy apazicyjanier, etapavany ź viciebskaha śledčaha izalatara № 2 nieviadoma kudy, paviedamiła BiełaPAN jaho žonka.
«Učora ja prychodziła i sprabavała damahčysia spatkańnia. Spatkańnia nie dali, skazaŭšy, što nibyta nie pryjšli niejkija dakumienty. Choć pa zakonie nam spatkańnie dajecca. Siońnia ja pryjšła, a mnie kažuć: jaho tut užo niama…», — raspaviała Alena. U jakuju kałoniju adpraŭleny Kavalenka, joj nie paviedamili.
Žančyna adznačyła, što, kali padychodziła da SIZA, adtul vyjazdžali čatyry mašyny, jakimi zvyčajna adpraŭlajuć źniavolenych na etap.«Mahčyma, Siarhiej byŭ u adnoj ź ich, — vykazała zdahadku jana. — U paniadziełak advakat budzie vyśviatlać, kudy jaho pavieźli».
Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki39
Kamientary