Pravaachoŭnyja orhany Biełarusi raspracavali zakonaprajekt «Ab uniasieńni dapaŭnieńniaŭ i źmienaŭ u Kryminalny,
«Hety zakonaprajekt praduhledžvaje pierahlad isnaj sistemy kryminalnaj adkaznaści za pravaparušeńni ŭ halinie pradprymalnickaj dziejnaści, jaho normy nakiravanyja na zabiaśpiečańnie suvymiernaści adkaznaści charaktaru pravaparušeńnia i stupieni pryniesienaj škody», — rastłumačyła pradstaŭnik Śledčaha kamiteta.
U padrychtavanym zakonaprajekcie aptymizavanyja terminy pakarańnia ŭ vyhladzie pazbaŭleńnia voli za šerah złačynstvaŭ suprać ułasnaści i paradku ažyćciaŭleńnia ekanamičnaj dziejnaści. U sankcyi ŭviedzienyja alternatyŭnyja pazbaŭleńniu voli vidy pakarańnia, istotna pašyranyja zabarony na vykarystańnie ŭ jakaści miery strymańnia zaklučeńnia pad vartu. «My imkniemsia da taho, kab zaklučeńnie pad vartu stała vyklučnaj mieraj pakarańnia», — padkreśliła Natalla Andrejeva.
U vypadku pryniaćcia prajekta zakona mieru strymańnia ŭ vyhladzie zaklučeńnia pad vartu nielha budzie vykarystać u dačynieńni da asobaŭ, padazravanych ci abvinavačanych u ździajśnieńni mienš ciažkich złačynstvaŭ (za vyklučeńniem kantrabandy i lehalizacyi materyjalnych kaštoŭnaściaŭ, nabytych złačynnym šlacham). «Viadoma ž, heta dapuščalna tolki ŭ tym vypadku, kali padazravany albo abvinavačany nie chavajecca ad orhanaŭ pravaparadku, vyśvietlenaja jaho asoba i čałaviek maje pastajannaje miesca žycharstva ŭ Biełarusi», — udakładniła načalnik adździeła pracesualnaha kantrolu.
Źmieny zakranuć i ŭmovy prymianieńnia miery strymańnia ŭ vyhladzie zakładu. Zakonaprajektam praduhledžanaja mahčymaść vykarystańnia zakładu i pry adsutnaści poŭnaha pakryćcia škody, pryniesienaj padazravanym.
Natalla Andrejeva taksama paviedamiła, što Śledčy kamitet užo damohsia značnych vynikaŭ pa pavyšeńni jakaści papiaredniaha śledstva. Adznačajecca ahulnaja tendencyja da pamianšeńnia liku zarehistravanych złačynstvaŭ. Za 4 miesiacy hetaha hoda ich ahulnaja kolkaść źmienšyłasia na 10%, a kolkaść asabliva ciažkich złačynstvaŭ — bolš čym na 20% u paraŭnańni z anałahičnym pieryjadam minułaha hoda. Akramia taho, za hety ž čas kiraŭniki śledčych padraździaleńniaŭ nakiravali, a taksama viarnuli orhanam daznańnia bolš za 3 tys. zajavaŭ i paviedamleńniaŭ ab złačynstvach, jakija nie ŭtrymlivajuć dastatkovych dadzienych. Było admieniena 77 pastanovaŭ ab zaviadzieńni kryminalnych spravaŭ. Kolkaść asob, pryciahnutych da kryminalnaj adkaznaści, skaraciłasia bolš čym na 20%.
