Čutki: Facebook źbirajecca kupić «Opieru»?

Facebook viadzie pieramovy ab kupli kampanii-raspracoŭščyka braŭziera Opera. Košt Opera Software — mienš za $ 700 młn. Paśla raźmiaščeńnia akcyj Facebook na biržy heta nie prablema dla Marka Cukierbierha. Ułasny braŭzier dazvolić sacyjalnaj sietcy zaniać bolš ustojlivuju pazicyju na rynku. Kankurentam Facebook u baraćbie za aktyŭ moža vystupić rasijski «Jandeks», śćviardžaje krynica ŭ IT-halinie.

Facebook viadzie pieramovy ab kupli narviežskaj kampanii Opera Software, raspracoŭnika prahramnaha zabieśpiačeńnia, u tym liku internet-braŭzera Opera. Kampanija Marka Cukierbierha maje namier raźvivać pradukt, jaki składzie kankurencyju Google, Microsoft, Mozilla i Yahoo! (niadaŭna kampanija vypuściła braŭzier Axis).

Cikavaść Facebook da Opera «niesumnienna, prymusić paniervavacca Google», piša resurs Pocket-lint. — Fle naŭrad ci paŭpłyvaje na pakazčyki braŭzera Google Chrome u ahladnaj pierśpiektyvie.

«Facebook i Google. Ubačym sutyčku dvuch technałahičnych hihantaŭ», — pradčuvaje Pocket-lint.

Pa vynikach minułaha tydnia braŭzer

Google Chrome ŭpieršyniu abyšoŭ pa papularnaści hałoŭnaha kankurenta — Microsoft Internet Explorer, zaniaŭšy pieršaje miesca na suśvietnym rynku, śviedčyli dadzienyja servisu statystyki StatCounter. Dola Chrome pa vynikach tydnia ad 14 da 20 maja skłała 32,76%, Internet Explorer — 31,94%.

Opera značna adstaje pa papularnaści — za hetym braŭzeram tolki 1,74%.

Ale ŭ Opiery adzin z samych papularnych u śviecie mabilnych braŭzieraŭ — Opera-Mini. Pa dadzienych kampanii, jaje braŭzieram štomiesiac karystajucca 270 młn čałaviek, a prahramaj Opera-Mini u sakaviku 2012 hoda skarystalisia 168 młn karystalnikaŭ.

Kupla narviežskaj kampanii dazvolić Cukierbierhu paźbiehnuć vydatkaŭ na raspracoŭku ŭłasnaha braŭziera z nula.

Košt Opera pa kaciroŭkach na biržy ŭ Osła na apošniaj handlovaj siesii składaje prykładna $ 670 młn.

Pradstaŭniki kampanij Facebook i Opera admaŭlajucca ad kamientaroŭ. «Standartnaja palityka kampanii — nie reahavać na rynkavyja čutki, tak što ŭ nas niama kamientaroŭ i na hetuju», — paviedamili ŭ Opera.

Inšy technałahičny błoh Thenextweb pravioŭ ułasnaje rasśledavańnie. Pa-pieršaje, mieniedžmient narviežskaj kampanii, piša Thenextweb, viadzie pieramovy z patencyjnymi pakupnikami i razhladaje mahčymaść ulicca «ŭ bolš bujnuju pryvatnuju abo dziaržaŭnuju kampaniju». Pa-druhoje, u kampanii ŭviedzieny maratoryj na pryjom na pracu novych supracoŭnikaŭ.

Daśviedčanaja krynica Thenextweb nie zmahła paćvierdzić, ci iduć pieramovy z Facebook, ale dadała, što heta «maje sens». Jana ž nie vyklučaje, što

na Opera mohuć pretendavać Google i rasijski «Jandeks».

• 0
• 0
• 0
• 0
• 0
• 0
• 0
• 0