Pravaachoŭnyja orhany zatrymali dyrektara budaŭničaha pradpryjemstva «Oblik» Mikałaja Klimuka. Padstavaj dla hetaha pasłužyli vyjaŭlenyja fakty parušeńniaŭ u śfiery dolevaha budaŭnictva.
«Pa vynikach praviedzienych śledčych dziejańniaŭ i apieratyŭnych mierapryjemstvaŭ byli vyjaŭlenyja fakty parušeńnia zakanadaŭstva ŭ śfiery dolevaha budaŭnictva.
Hrašovyja srodki ad hramadzian dla apłaty budaŭnictva kvater prymalisia Mikałajem Klimukom nieabhruntavana. Akramia taho, byli vyjaŭlenyja fakty niametavaha vykarystańnia hrašovych srodkaŭ hramadzian.Padobnyja dziejańni Klimuka paciahnuli pryčynieńnie škody hramadzianam u asabliva bujnym pamiery, a taksama surjozna zakranuli pravy i zakonnyja intaresy dolščykaŭ», -- raspaviała" Bresckaj haziecie" aficyjny pradstaŭnik Śledčaha kamiteta Biełarusi Julija Hančarova.
U dačynieńni da Mikałaja Klimuka Śledčym kamitetam RB była ŭzbudžanaja kryminalnaja sprava. U samy bližejšy čas jamu budzie pradjaŭlena abvinavačvańnie pa č. 3 art. 424 KK RB (złoŭžyvańnie ŭładaj abo słužbovymi paŭnamoctvami).
U suviazi z dapuščanymi TAA «Oblik» parušeńniami zakanadaŭstva pry ažyćciaŭleńni dolevaha budaŭnictva žylla taksama ŭ chodzie rasśledavańnia budzie dadziena pravavaja acenka dziejańniam asobnych słužbovych asob orhanaŭ miascovaj ułady Bresta i Bresckaj vobłaści.
PS Čutki pra toje, što Mikałaja Klimuka adpuścili, u Śledčym kamitecie RB abvierhli.
0
0
0
0
0
0
