Siońnia sudovyja vykanaŭcy mieli apisać majomaść «Viasny».
17.58.
Žonka Alesia Bialackaha Natalla Pinčuk nie dačakała prychodu sudovych vykanaŭcaŭ, syšła. Tamu siońnia vysialeńnia dakładna nie budzie — biez prysutnaści spadaryni Pinčuk heta niemahčyma.
17.50.
Pryjšli dva čałavieki, praŭdapadobna, sudovyja vykanaŭcy. Adnak, pabačyŭšy žurnalistaŭ, u padjezd nie pajšli. Pastajali kala doma, paprasili ŭ fotakarespandenta "Našaj Nivy" cyharetaŭ i syšli...
17.35.
Kala ofisa sabralisia kala 15 čałaviek — pravaabaroncy, žurnalisty. Sudovych vykanaŭcaŭ pakul niama, chacia čas, imi pryznačany, užo prajšoŭ. Jak kažuć pravaabaroncy, u kvatery zastałasia šafy, stały, kresły i adzin telefon. Nijakaj kampjutarnaj techniki ŭ kvatery daŭno niama, paviedamlaje Jeŭraradyjo.
***
Jany majuć namier apisać majomaść asudžanaha kiraŭnika centra Alesia Bialackaha. Pravaabaronca Taćciana Raviaka napisała ŭ svaim Fejsbuku, što ich papiaredzili: «U bližejšuju hadzinu da nas u ofis pryjduć sudovyja vykanaŭcy, jakija apišuć majomaść, vyznačanuju ŭ miežach kryminalnaj spravy Alesia Bialackaha».
Sudovyja vykanaŭcy vyklikali žonku Alesia Bialackaha, kab jana prysutničała pry pracedury vopisu majomaści.
Jak paviedamlajuć pravaabaroncy, kvatera na praśpiekcie Niezaležnaści, u jakoj mieścicca ofis začynienaha ŭładami pravaabarončaha centra «Viasna», była nabytaja ŭ 2000 hodzie. Pa ŭzhodnienym rašeńni rady kvatera była aformlenaja na pryvatnuju asobu, u joj byŭ aficyjna zarehistravany Aleś Bialacki. Dziakujučy tamu, što ofis źjaŭlaŭsia pryvatnaj ułasnaściu, «Viasna» zmahła prapracavać u im 11 apošnich hadoŭ.
Nahadajem, što pravaabaronca Aleś Bialacki byŭ asudžany ŭ listapadzie 2011 hoda na 4,5 hoda kałonii ŭzmocnienaha režymu z kanfiskacyjaj majomaści. Jaho źvinavacili ŭ niavypłacie padatkaŭ z zamiežnych rachunkaŭ. Hrošy na tych rachunkach pryznačalisia na pravaabarončuju dziejnaść. Bialacki naminavany šeraham jeŭrapiejskich palitykaŭ i arhanizacyj na Nobieleŭskuju premiju mira.
Pa stanie na 18.00 pravaabaroncy nikoha ŭ ofis nie zapuskali.
-
Žurnalistka «Sputnika» źviartajecca da Łukašenki: jaje syn pastupiŭ u Vyšejšuju škołu ekanomiki ŭ Maskvie, a doma na jaho zaviali kryminałku
-
Były supracoŭnik «Bietery» zapisaŭ vialikaje videa pra heta anłajn-kazino. Ciapier u jaho prablemy ź milicyjaj
-
U Minsku raźvitalisia z paetam Uładzimiram Karyznam, aŭtaram słoŭ da ciapierašniaha dziaržaŭnaha himna Biełarusi
Ciapier čytajuć
«Śvińni zarochkali. Biez vady daŭno nie siadzieli, ja b im adklučyŭ». Azaronak abrynuŭsia na žycharoŭ rajona Lebiadziny30
Kamientary