Budzie novy palitviazień: Parfiankova pakarali aryštam na 6 miesiacaŭ
Pad vartu pakul nie ŭziali, pakarańnie pačnie dziejničać praz 10 dzioniu.
Sudździa začytvaje vyrak. Sud pryznaŭ Parfiankova vinavatym u parušeńni ŭmovaŭ previentyŭnaha nahladu. Vasila Parfiankova pakarali aryštam na 6 miesiacaŭ. Pad vartu nie ŭziali.
Kali Parfiankoŭ nie abskardzić vyrak, pakarańnie pačnie dziejničać praz 10 dzion.
13.39Vasil Parfiankoŭ pryjšoŭ da budynku sudu z torbaj z napojami. «Baćki padrychtavali «kiešar» (turemnuju torbu), potym mnie pieradaduć",— skazaŭ Vasil u čakańni vyraku.
Baćka Piotra Parfiankoŭ: «Heta, ja dumaju, usio ŭžo było zahadzia zroblena. Tut ničoha nie zrobiš. Stolki nakapali papier — žach! Adkul? Pryhadali ŭsio. Chadzili kožny dzień, praź dzień chadzili. U dvanaccać hadzin prychodzili, supracoŭniki hetych inśpiekcyj».
11.46
Parfiankoŭ vystupaje z apošnim słovam. «Jaki b prysud zaraz nie prahučaŭ, usio roŭna ja vyjdu z zały volnym čałaviekam, a vy — jak ludzi, jakija zrabili svaju spravu».
Parfiankoŭ padziakavaŭ usim, chto pryjšoŭ jaho padtrymać.
11.40
Pačynajucca sudovyja sprečki. Vystupaje prakuror Ściapurka.
Jon zajaviŭ, što vinavataść Parfiankova dakazanaja. Prakuror patrabuje Parfiankovu 1 hod kałonii strohaha režymu.
Advakat zajaviła, što ŭ dziejańniach Parfiankova nie było złoha namieru, bo jon pierakanany, što previentyŭny nahlad ustalavany za im niezakonna, što heta było zroblena, kab adchilić jaho ad udziełu ŭ aktyŭnych hramadzkich dziejańniach.
Parfiankoŭ pierakanany, što administratyŭnyja pakarańni byli za ŭdzieł u mitynhach, nie za chulihanstva, jakoje jon nibyta ŭčyniaŭ.
Jon praciahvaje źjaŭlacca aktyŭnym udzielnikam hramadsskich kampanij i hetaja sprava, jakaja ciapier razhladajecca ŭ sudzie taksama sfalšavanaja, kab adsunuć jaho ad aktyŭnaj hramadzianskaj dziejnaści.
Advakat prosić apraŭdać Parfiankova.
10.15
U zału zapuścili ludziej, jakija čakali ŭ kalidory: pravaabaroncaŭ, dypłamataŭ, aktyvistaŭ “Havary praŭdu”. Niaklajeŭ abniaŭ Parfiankova.
10.10
Parfiankoŭ adkazvaje sudździu Bandarenku pa-biełarusku. Parfiankoŭ zajaviŭ advod sudździ. Jon nie daviaraje sudździ, bo toj vynosiŭ prysudy ŭ palityčna matyvavanych spravach Alesia Bialackaha i Uładzimira Jaramienka.
U sud patrapili tolki karespandenty «Svabody» i BiełaPAN.
10.05
Nikoha z achvotnych patrapić u zału nie puścili. Jany stajać u kalidory, u tym liku Niaklajeŭ i Skenłan.
9.55
U sud pryjšli časova pavierany ŭ spravach ZŠA ŭ Biełarusi Majkł Skenłan, były kandydat u prezidenty, lidar "Havary praŭdu" Uładzimir Niaklajeŭ, Alaksandr Fiaduta.
***
Abvinavačańnie miarkuje, što Vasil Parfiankoŭ trojčy parušyŭ režym previentyŭnaha nahladu. Adnojčy były palitviazień spaźniŭsia na adznačeńnie ŭ orhanie, jaki ažyćciaŭlaje nahlad. Dvojčy supracoŭniki milicyi prychodzili da jaho dadomu ŭ toj čas, kali Vasil vychodziŭ u kramu. Sankcyja artykuła 421 KK RB praduhledžvaje aryšt terminam da šaści miesiacaŭ albo pazbaŭleńnie voli terminam da adnaho hoda, dadaje spring96.org
Previentyŭny nahlad ustalavany za Vasilom Parfiankovym 5 studzienia 2012 hoda terminam na adzin hod. Pra zaviadzieńnie kryminalnaj spravy Pieršamajski rajonny adździeł Śledčaha kamiteta Minska paviedamiŭ byłomu palitviaźniu 19 krasavika.
Vasila Parfiankova adnym ź pieršych asudzili za ŭdzieł u padziejach 19 śniežnia 2010 hoda. Aktyvist demakratyčnaha ruchu atrymaŭ 4 hady źniavoleńnia, pakarańnie adbyvaŭ u Aršanskaj kałonii.
13 žniŭnia 2011 hoda byŭ pamiłavany Łukašenkam. Uvosień i ŭzimku 2011 hoda Vasil Parfiankoŭ braŭ udzieł u akcyjach salidarnaści z palitviaźniami, zatrymlivaŭsia milicyjaj. Pad prafiłaktyčnym nahladam užo znachodziacca ŭdzielniki Płoščy Uładź Jaromienak i Pavieł Vinahradaŭ. Alaksandr Małčanaŭ pakarany 1,5 hadami źniavoleńnia pavodle abvinavačańnia ŭ kradziažy mietałałomu.
Ciapier čytajuć
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj77
Kamientary