Adboračny kancert u Minsku projdzie 17 červienia.
Pryjom zajavak na ŭdzieł u adboračnym tury fiestyvalu «Bardaŭskaja vosień — 2012» vyrašana praciahnuć da 10 červienia. Udzieł u adbory moža ŭziać kožny biełaruskamoŭny vykanaŭca, jaki vystupaje solna, albo hurt, jaki maje akustyčnuju prahramu. Zajaŭki z zapoŭnienaj ankietaj, fotazdymkam i dema-zapisam prymajucca na paštovuju skryniu [email protected]. Zajavu možna spampavać tut.
Tym časam stali viadomyja padrabiaznaści adboračnaha kancerta na fiestyval «Bardaŭskaja vosień — 2012». Impreza adbudziecca 17 červienia i projdzie ŭ minskaj kaviarni «Piŭnaja historyja». Tradycyjna na kancercie vystupiać usie kankursanty fiestyvalu i śpiecyjalna zaprošany hość. Sioleta hościaj adboru stanie maładaja śpiavačka Palina Respublika, jakaja pačała svaju sceničnuju dziejnaść mienavita ź pieramohi na fiestyvali «Bardaŭskaja vosień» u 2011 hodzie. Vystupoŭcaŭ adboračnaha kancerta akramia prysutnych słuchačoŭ budzie słuchać kvalifikavanaje žury, jakoje abiare ŭdzielnikaŭ festu «Bardaŭskaja vosień — 2012». Pieramožcy adboru pazmahajucca za hałoŭnyja pryzy sioletniaha fiestyvalu ŭ Bielsku Padlaskim (Polšča), «Bardaŭskaja vosień» projdzie ŭžo 19-y raz, tradycyjna ŭ kancy kastryčnika.
Paśla zakančeńnia pryjomu zajavak ad kankursantaŭ pačniecca internet-hałasavańnie za najlepšuju konkursnuju pieśniu «Bardaŭskaj vosieni — 2012». Projdzie hałasavanka na muzyčnym partale ultra-music.com. Pieramožca chit-paradu traplaje na fest aŭtamatyčna, a taksama vystupić na kancercie 17 červienia ŭ «Piŭnoj historyi».
-
«Dačka dabjecca, kab nichto nie zabaraniaŭ śpiavać jaho pieśni». Adzinaja dačka Aleha Moŭčana biezvynikova zmahajecca ź jaho ŭdavoj za «Malitvu»
-
Paśla patryjatyčnaha paryvu biełarusaŭ u fiłarmonii ŭdava kampazitara Moŭčana zabaraniła ŭsim vykonvać «Malitvu» Janki Kupały
-
Pašynian stvaraje muzyčny hurt
Ciapier čytajuć
23‑hadovy achoŭnik z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy achoŭnik z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary