Kirył Šymko pajedzie ŭ kałoniju pa ŭłasnym žadańni

Kirył Šymko

Źniavolenyja buduć demanstravać talenty va ŭmieńni padymać nietradycyjny ciažar: biarviony, kamiani, valizki i inšyja snarady, jakija vykarystoŭvajucca na spabornictvach «Stronhmen».

Płanujecca, što ŭ spabornictvach u roznych katehoryjach voźmuć udzieł kala 30 źniavolenych. Charakterna, što bolšaść snaradaŭ dla praktykavańniaŭ jany zrabili sami.

Kirył Šymko naviedvaje kałoniju nie dziela zabavy: atlet chacieŭ by paŭpłyvać na asudžanych, na asabistym prykładzie pakazać, čaho možna damahčysia, viedučy zdarovy ład žyćcia. Rekardsmien knihi rekordaŭ Hinesa i ŭdzielnik amierykanskaha turniru najmacniejšych ludziej płaniety «Supiersieryi» vystupić sa svaimi numarami, u pryvatnaści razarvie žalezny łancuh, skrucić patelniu, źviaža ŭ vuzły ćviki.

Kirył Šymko — viadomy biełaruski vołat. Z naparnikam Paŭłam Sarokam jon ruchaŭ čyhunačny sastaŭ ź piaci vahonaŭ, zatym atlety praciahnuli bolš čym na try mietry samalot Ił-76 masaj 150 t. U 2009 hodzie ŭstalavaŭ svoj samy znakamity rekord, uhanaravany zaniasieńniem u knihu rekordaŭ Hinesa: razam z Paŭłam Sarokam jon zmoh zrušyć tank T-34 vahoj 30 t 900 kh na 5,1 m. Taksama rekardsmien zdoleŭ samastojna zrušyć 55-tonny BiełAZ u centry Minska.

0

0

0

0

0

0

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH