Śviet4343

U Rasii — pieratrusy ŭ apazicyi. U Sabčak skanfiskavali 1,5 młn jeŭra?

Pieratrus idzie i ŭ ofisie «Rośpiła» — inicyjatyvy pa baraćbie z karupcyjaj.

16.41

Televiadučaja Ksienija Sabčak napisała ŭ svaim Tvitary: «A 8-j ranicy ŭvarvalisia ludzi, jakija nie davali mnie apranucca, abrabavali kvateru, prynižali».

Raniej ahienctva Interfaks sa spasyłkaj na krynicy ŭ Śledčym kamitecie pieradavała, što doma ŭ žurnalistki byccam by vyjavili kala paŭtara miljona jeŭra hatoŭkaj. Pieratrus pravodziŭsia ŭ miežach kryminalnaj spravy ab biesparadkach na Bałotnaj płoščy. Zaŭtra Sabčak vyklikanaja na dopyt u Śledčy kamitet.

14:10

U budynku fondu baraćby z karupcyjaj «Rośpił», jaki naležyć Alaksieju Navalnamu, pravodzicca pieratrus,
paviedamiła gazeta.ru pres-sakratar fondu Hanna Viaduta.

Pavodle jaje słoŭ, supracoŭniki AMAPa ačapili budynak «Rośpił», ale nie spačatku nie mahli trapić unutr, bo paniadziełak 11 červienia źjaŭlajecca vychadnym dniom (12 červienia — Dzień niezaležnaści Rasii) i na miescy niama nikoha z pracaŭnikoŭ fondu.

Prajšoŭ pieratrus na kvatery Navalnaha. U jaho adabrali ŭsie elektronnyja prybory — tłf, ajpedy, kampjutary.

12:42

SK vyklikaŭ Navalnaha, Jašyna, Udalcova i Sabčak 12 červienia, u dzień «Maršu miljonaŭ».

Usie apazicyjnyja lidary, u kvaterach jakich prachodziać pieratrusy pa spravie ab biesparadkach 6 maja na Bałotnaj płoščy ŭ Maskvie, vyklikanyja ŭ Śledčy kamitet 12 červienia, u dzień «Maršu miljonaŭ». Pra heta paviedamlaje «Interfaks» sa spasyłkaj na aficyjnaha pradstaŭnika SK Uładzimira Markina.

9.36

U kvatery adnaho ź lidaraŭ rasijskaj apazicyi Alaksieja Navalnaha prachodzić pieratrus.
Pra heta jon sam paviedamlaje ŭ svaim mikrabłohu ŭ Twitter.

«U mianie doma idzie pieratrus. Pa spravie ab masavych biesparadkach. Ledź dźviery nie raśpiłavali», — piša navalny.

«Advakata Navalnaha Michajłavu amapaŭcy nie puskajuć u padjezd doma, dzie žyvie Alaksiej», — paviedamlaje ŭ Twitter viadomy błohier Rustem Adahamaŭ.

Taksama błohier piša pra pieratrus u kvatery Ksienii Sabčak.

Paźniej źjaviłasia infarmacyja pra pieratrusy ŭ kvaterach lidaraŭ ruchu «Salidarnaść» Illi Jašyna i Barysa Niamcova.

Infarmacyju pra pieratrusy ŭ apazicyjanieraŭ paćvierdziŭ aficyjny pradstaŭnik Śledčaha kamiteta Uładzimir Markin. «U pryvatnaści, mierapryjemstvy pravodziacca ŭ Alaksieja Navalnoho, Siarhieja Udalcova, Illi Jašyna dy inšych. Usiaho śledstva płanuje pravieści siońnia nie mienš za dziesiać pieratrusaŭ», — pryvodzić słovy Markina RIA «Naviny».

Napiaredadni paviedamlałasia pra pieratrusy ŭ kvaterach aktyvistaŭ niezarehistravanaj partyi «Inšaja Rasija» i ruchu «Levy front».
Apazicyja źviazvaje pieratrusy z «Maršam miljonaŭ» — manifiestacyjaj, jakaja projdzie ŭ Maskvie ŭ aŭtorak.

Kamientary43

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

«Ja tolki adnaho chaču: kab vy pavieryli mnie znoŭ». Jak prajšła pieršaja akcyja Cichanoŭskaha ŭ Varšavie paśla vyzvaleńnia

«Ja tolki adnaho chaču: kab vy pavieryli mnie znoŭ». Jak prajšła pieršaja akcyja Cichanoŭskaha ŭ Varšavie paśla vyzvaleńnia

Usie naviny →
Usie naviny

Jeŭropa zmahła zachavać adzinstva z Trampam na vypadak napadu Rasii11

Biełarusbank abmiažoŭvaje źniaćcie najaŭnych z kartak3

U Armienii aryštavali archijepiskapa i jašče 16 zmoŭnikaŭ1

4, 14 ci 114? U Kobrynie nie mohuć razabracca z numaram doma na fasadzie6

Kaciaryna Cichanava — nie prosta dačka Pucina. Jaje ličać mahčymaj pierajemnicaj11

«Niervovaje, tryvožnaje, niepalityčnaje. Hałoŭny hieroj — člen Savieta Respubliki». Volha Łojka prapanuje «Biełaruśfilmu» ideju kino3

U Maskvie mužčyny masava sprabujuć znajomicca, macajučy dziaŭčat za jahadzicy. Tak zahadaŭ rabić seks-koŭč ź Biełarusi24

Z 1 vieraśnia biełarusam, što jeduć u Łatviju, treba budzie zarehistravacca na śpiecyjalnym partale i zapoŭnić ankietu9

Śpiecsłužby pad vyhladam «druku simvoliki i ściahoŭ» sprabujuć padbić biełarusaŭ zamiežža pieradać svaje asabistyja źviestki2

bolš čytanych navin
bolš łajkanych navin

«Ja tolki adnaho chaču: kab vy pavieryli mnie znoŭ». Jak prajšła pieršaja akcyja Cichanoŭskaha ŭ Varšavie paśla vyzvaleńnia

«Ja tolki adnaho chaču: kab vy pavieryli mnie znoŭ». Jak prajšła pieršaja akcyja Cichanoŭskaha ŭ Varšavie paśla vyzvaleńnia

Hałoŭnaje
Usie naviny →

Zaŭvaha:

 

 

 

 

Zakryć Paviedamić