Biełarusbank i Biełahraprambank krychu źnižajuć staŭki pa žyllovych kredytach
AAT «AAB Biełarusbank» z 11 červienia źniziła dla fizičnych asob pracentnyja staŭki pa novavydavajemych kredytach na ahulnych padstavach na budaŭnictva (rekanstrukcyju) i nabyćcio žyłych pamiaškańniaŭ.
Dla hramadzian, jakija majuć patrebu ŭ palapšeńni žyllovych umoŭ, pracentnaja staŭka źnižana z 30 da 25% hadavych, dla šmatdzietnych siemjaŭ — z 21% da 20% hadavych, dla hramadzian, jakija nie majuć patrebu ŭ palapšeńni žyllovych umoŭ, — sa staŭki refinansavańnia Nacyjanalnaha banka Biełarusi + 8 pracentnych punktaŭ (42%) da staŭki refinansavańnia + 3 pracentnyja punkty (37%).
Ab namiery palepšyć umovy pradastaŭleńnia kredytaŭ na nieruchomuju majomaść abjaviŭ i jašče adzin bujniejšy biełaruski bank — AAT «Biełahraprambank».Z 18 červienia akcyjaniernaje tavarystva źnižaje staŭki pa novazaklučanych kredytnych dahavorach ź fizičnymi asobami, jakija majuć patrebu ŭ palapšeńni žyllovych umoŭ, na finansavańnie budaŭnictva nieruchomaj majomaści i nabyćcio žyllovych ablihacyj da 25% hadavych.
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami12
Kamientary