Junak, jaki ŭ minułym hodzie źjaviŭsia ŭ Bierlinie, zajaviŭšy, što pražyŭ u lesie niekalki hadoŭ, na samaj spravie apynuŭsia 20-hadovym hałandcam, jaki da vieraśnia minułaha hoda žyŭ u Niderłandach.
Bierlinskaja palicyja paviedamiła, što jaho hałandskaja mačacha paznała jaho na fatahrafii. Jaho kličuć Robinam. Sam jon nazyvaje siabie Rejem, a hiermanskaja presa dała jamu mianušku «lasny chłopčyk». Pavodle jaho słoŭ, jon i jaho baćka stali žyć u lesie paśla taho, jak jaho maci zahinuła ŭ aŭtakatastrofie, i žyli tam piać hadoŭ. Jon paviedamiŭ palicyi, što vyjšaŭ ź lesu paśla śmierci baćki, cieła jakoha jon pachavaŭ. Adnak supracoŭnikam palicyi nie vyjavili čałaviečyja reštki ŭ pakazanym miescy.
Pakul niezrazumieła, čamu hety małady čałaviek pajechaŭ ź Niderłandaŭ i jak apynuŭsia ŭ Bierlinie. U vieraśni minułaha hoda jon havaryŭ tolki pa-anhielsku i viedaŭ niekalki słoŭ pa-niamiecku, ale chutka asvoiŭ hety movu.
Hiermanskaje ahienctva DPA paviedamlaje, što jaho ŭ apošni raz bačyli na radzimie ŭ horadzie Chienhieła ŭ vieraśni, usiaho za niekalki dzion da taho, jak jon źjaviŭsia ŭ Bierlinie. Jaho školny pryjaciel zajaviŭ u intervju hałandskamu telebačańniu, što małady čałaviek mieŭ «asabistyja prablemy».
