«Лясны хлопчык», што летась аб’явіўся ў Берліне, аказаўся галандцам
Робіну 20 год, да верасня мінулага года жыў у Нідэрландах.
Юнак, які ў мінулым годзе з'явіўся ў Берліне, заявіўшы, што пражыў у лесе некалькі гадоў, на самай справе апынуўся 20-гадовым галандцам, які да верасня мінулага года жыў у Нідэрландах.
Берлінская паліцыя паведаміла, што яго галандская мачаха пазнала яго на фатаграфіі. Яго клічуць Робінам. Сам ён называе сябе Рэем, а германская прэса дала яму мянушку «лясны хлопчык». Паводле яго слоў, ён і яго бацька сталі жыць у лесе пасля таго, як яго маці загінула ў аўтакатастрофе, і жылі там пяць гадоў. Ён паведаміў паліцыі, што выйшаў з лесу пасля смерці бацькі, цела якога ён пахаваў. Аднак супрацоўнікам паліцыі не выявілі чалавечыя рэшткі ў паказаным месцы.
Пакуль незразумела, чаму гэты малады чалавек паехаў з Нідэрландаў і як апынуўся ў Берліне. У верасні мінулага года ён гаварыў толькі па-ангельску і ведаў некалькі слоў па-нямецку, але хутка асвоіў гэты мову.
Германскае агенцтва DPA паведамляе, што яго ў апошні раз бачылі на радзіме ў горадзе Хенгела ў верасні, усяго за некалькі дзён да таго, як ён з'явіўся ў Берліне. Яго школьны прыяцель заявіў у інтэрв'ю галандскаму тэлебачанню, што малады чалавек меў «асабістыя праблемы».
Цяпер чытаюць
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ6
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары