Teleradyjokampanija «Hrodna» źniała prapahandyscki film pra sacyjalnyja sietki.
Film «U sietkach» pačynajecca z historyi pytańnia — kali i dzie ŭźnik paniatak «sacyjalnyja sietki», na jakim etapie źjava stała takoj, jakoj jość na siońniašni dzień. Vykładčyki Hrodzienskaha dziažuniviersiteta imia Janki Kupały ŭ kadry tłumačać plusy i minusy sacialnych sietak, adnosiačy da pieršych novyja i bolš šyrokija mahčymaści dla kamunikacyi, a da druhich — zaležnaść ad virtualnaha žyćcia i pahrozu padmieny im žyćcia realnaha.
Ale nie varta padmanvacca, što hety film pryśviečany vyklučna prablemam padletkavaj adzinoty ŭ virtualnaj prastory. Užo na 7-j chvilinie hołas za kadram pačynaje tłumačyć, jak internet moža paŭpłyvać na realnaje žyćcio.
U prykład pryvodziacca letašnija masavyja biesparadki ŭ Vialikabrytanii, jakija «arhanizoŭvalisia i kaardynavalisia praz sacsietki», a taksama padziei ŭ Jehipcie i Livii.Fonam iduć kadry ź letašnich maŭklivych akcyj, razhonaŭ manifiestantaŭ u niekatorych jeŭrapiejskich krainach, Płoščy-2010 u Minsku. Ale taki varyjant u Biełarusi nie prajšoŭ, dy i byŭ jon małavierahodny, kaža hołas za kadram. Bo «zanadta ŭžo stabilnaja i prazrystaja situacyja ŭ respublicy, kab razhajdać razvažlivaje hramadstva».A dalej idzie prykład Biełarusi, u jakoj taksama «praź internet prasoŭvalisia scenary tak zvanych kalarovych revalucyj».
Pierakanaŭšy hledača ŭ marnaści namieraŭ internet-revalucyjanieraŭ, aŭtary filma ŭsio adno viartajucca da hetaj temy.
U kadry źjaŭlajecca čałaviek z retušavanym abliččam, jaki raskazvaje, jak zasnavaŭ Ukantakcie hrupu dla sumiesnych prahułak pa Hrodnie. Jak na hetuju hrupu «vyjšaŭ Dzijanaŭ». Jak pačaŭ patrabavać ad udzielnikaŭ hrupy raspaŭsiudžvać infarmacyju pra maŭklivyja akcyi.Pry hetym inkohnita havoryć zanadta pratakolnaj movaj, jak dla prostaha amatara haradskoha špacyru.
Inšy adretušavany surazmoŭca hrodzienskich televizijščykaŭ kaža pra niebiaśpieku narvacca ŭ sacyjalnych sietkach na roznaha kštałtu zakliki, jakija mohuć pryvieści da niecharošych nastupstvaŭ.
Naprykancy filma pradstaŭniki MUS i prakuratury nahadali pra kryminalnuju adkaznaść za raspaŭsiud antydziaržaŭnych zaklikaŭ.
Jak i mnohija prapahandysckija filmy aŭtarstva dziaržaŭnych telekanałaŭ, «U sietkach» faktyčna ananimny. Infarmacyi pra aŭtaraŭ niama, jość tolki paznačeńnie aŭtarskich pravoŭ teleradyjokampanii «Hrodna».
Ciapier čytajuć
23‑hadovy achoŭnik z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy achoŭnik z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary