Na homielskim vinzavodzie adbyłasia ŭciečka siarnistaha anhidrydu 1

Jak paviedamiła pres-słužba MNS Biełarusi, infarmacyja ab hetym zdareńni pastupiła ratavalnikam 26 červienia ŭ 19.51. Praź piać chvilin pieršyja padraździaleńni ŭžo byli na miescy. Vyśvietliłasia, što z transpartnaha mietaličnaha bałona jomistaściu 250 litraŭ adbyvajecca vypareńnie paroŭ siarnistaha anhidrydu. Bałon znachodziŭsia na adkrytaj placoŭcy zachoŭvańnia tary na terytoryi pradpryjemstva i byŭ zapoŭnieny siarnistym anhidrydam na 10% (25 litraŭ). Uciečka adbyvałasia z adtuliny dyjamietram 5 mm, što ŭtvaryłasia ŭviersie bałona kala zapornaha vientylu. Rabotnikami MNS adtulina była zahłušana śpiecyjalnym prystasavańniem.

Dla praduchileńnia mahčymaha raspaŭsiudžańnia rečyva ratavalniki stvaryli hetak zvanuju vadzianuju zaviesu. Dla straŭlivańnia siarnistaha anhidrydu bałon źmiaścili ŭ karkasnuju jomistaść. Jaje napoŭnili vadoj, dabavili jedki natryj i adkryli vientyl. Siarnisty anhidryd pry prachodžańni cieraz vadu stvaraje sol, jakuju možna biez usiakich abmiežavańniaŭ utylizavać, patłumačyli ŭ pres-słužbie MNS.

U vyniku incydentu nichto nie paciarpieŭ, technałahičny praces nie parušaŭsia.

U momant uźniknieńnia NZ na terytoryi pradpryjemstva znachodzilisia try čałavieki, jakija da prybyćcia padraździaleńniaŭ MNS samastojna jaje pakinuli. Najbolš vierahodnaja pryčyna zdareńnia — karozija mietału transpartnaha bałona.

Siarnisty anhidryd (siery dvuvokis, aksid siery (IV) SO2) — biaskolerny haz z vostrym pacham, taksičny. Pry ŭdychańni aerazol vyklikaje razdražnieńnie ślizistaj abałonki dychalnych šlachoŭ. Štohod u atmaśfieru vykidvajucca dziasiatki miljonaŭ ton siarnistaha anhidrydu, jaki ŭtvarajecca pry pramysłovym spalvańni vuhaloŭ i nafty, što ŭtrymlivajuć złučeńni siery.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH