Lider apazycyi Zymbabve Morhan Cvanhiraj (Morgan Tsvangirai) byŭ aryštavany ŭ vyniku palicejskaj aperacyi ŭ ofisie svajoj partyi, zajaŭlajuć jahonyja paplečniki.
Pavodle ich słovaŭ, razam z Cvanhirajem aryštavanyja jašče niekalki čałaviek, jakija znachodzilisia ŭ ofisie Ruchu za demakratyčnyja pieramieny (RDP).
Dva tydni tamu Cvanhiraj zajaviŭ, što byŭ źbity palicyjaj i hety fakt musiŭ natchnić na baraćbu niazhodnych z režymam prezydenta Roberta Muhabe.
U bolnicy jamu zrabili pieralivańnie kryvi: u palityka było adznačana ŭnutrany kryvaciok i pierałom čerapa.
Prezydent Muhabe, jaki kiruje krainaj užo 27 hadoŭ, pahražaje vyturyć z krainy zachodnich dyplamataŭ, jakich jon vinavacić ŭ padtrymcy palityčnaj apazycyi ŭ krainie.