Škoła tradycyjnaha mastactva falkłornaha hurta «GUDA», u jakoj možna navučycca biełaruskim tradycyjnym śpievam, tancam i ramiostvam, stvaryć ułasny narodny stroj, adkryvajecca ŭ Minsku.
Viktoryja Michno, śpiavačka hurta «GUDA», miarkuje, što «Biełaruś — kraina z nadzvyčaj bahataj tradycyjnaj kulturnaj spadčynaj. Staradaŭnija pieśni i tancy, jakija tak lubili i šanavali našy dziady i pradziedy, siońnia niezasłužana zabytyja i stračanyja dla balšyni nasielnictva Biełarusi.A miž tym usie my majem prava karystacca hetaj spadčynaj u štodzionnym žyćci i ŭ časie śviataŭ».
Jak u svajoj siamji adśviatkavać Kalady, jakija stravy možna pryhatavać? Jak možna bavić čas ź siabrami z tancami i hulniami? Dla čaho robiać pudziła na Maślenicu? Čamu kašuli azdablali takim pryhožym hieamietryčnym arnamientam i jakuju infarmacyju jon niasie? Jak svaimi rukami spleści pas?
Znajści adkazy na hetyja pytańni nie tolki cikava, ale i karysna z praktyčnaha punktu hledžańnia: bo chto z nas nie maryŭ na śviata ździvić haściej novymi stravami dy zabavami, nadzieć adzieńnie, zroblenaje svaimi rukami, rukami blizkich ludziej?
Zaniatki ŭ Škole tradycyjnaha mastactva pryznačanyja dla dziaciej i darosłych i pravodziacca ŭ hrupach:
dziciačaj (6–10 hadoŭ),
padletkavaj (11–15 hadoŭ),
studenckaj (16–21 hod),
darosłaj (bolš za 21 hod).
Navučańnie ŭ Škole idzie na nastupnych kirunkach:
— tradycyjnaje śpieŭnaje mastactva,
— tradycyjny biełaruski taniec,
— ramiostvy, stvareńnie ŭłasnaha biełaruskaha stroju.
Kožny kurs supravadžajecca ŭvodzinami ŭ fiłasofiju i estetyku tradycyjnaha mastactva.
Falkłorny hurt «GUDA» maje 20hadovuju historyju i admietny hłybokaj tearetyčnaj padrychtoŭkaj śpiavačak u halinie etnahrafii, falkłoru, kulturałohii, sacyjalnaj i kulturnaj antrapałohii.
Dadatkovuju infarmacyju pra Škołu tradycyjnaha mastactva možna znajści na sajcie hurta «GUDA».
Ciapier čytajuć
Minsk, Varšava, Vilnia — paraŭnoŭvajem, dzie praściej kupić kvateru čałavieku ź siaredniaj zarpłataj1
Kamientary