Pra heta było abjaŭlena siońnia ranicaj u pieradačy «Zona Ch» ŭ efiry telekanała «Biełaruś 1».
U dačynieńni da lidara mižnarodnaj arhanizacyi «Małady front» (zarehistravana ŭ Čechii) Źmitra Daškieviča, asudžanaha na 2 hady źniavoleńnia, raspačata novaja kryminalnaja sprava — «za złosnaje niepadparadkavańnie patrabavańniam administracyi kałonii». Pra heta było abjaŭlena siońnia ranicaj u pieradačy «Zona Ch» ŭ efiry telekanała «Biełaruś 1».
Niaviesta Daškieviča Nasta Pałažanka, jakaja taksama źjaŭlajecca namieśnikam staršyni «Maładoha frontu», paviedamiła, što pra mahčymaść zaviadzieńnia kryminalnaj spravy pa artykule 411 Kryminalnaha kodeksa Biełarusi (złosnaje niepadparadkavańnie patrabavańniam administracyi vypraŭlenčaj ustanovy, jakaja vykonvaje pakarańnie ŭ vyhladzie pazbaŭleńnia voli) jana daviedałasia 10 lipienia padčas naviedvańnia kałonii № 13 u Hłybokim, dzie adbyvaje pakarańnie Daškievič. «Tady stała viadoma, što materyjały dla zaviadzieńnia spravy pieradadzienyja ŭ Śledčy kamitet pa Viciebskaj vobłaści», — adznačyła Pałažanka.
Pavodle jaje słoŭ, materyjały byli pieradadzienyja 6 lipienia.«Śledčy kamitet na praciahu 10 dzion pavinien byŭ razhledzieć hetyja materyjały i pryniać rašeńnie ab uzbudžeńni kryminalnaj spravy abo admovie ŭ zaviadzienini. Mabyć, rašeńnie było pryniata nie na karyść Daškieviča», — skazała Pałažanka.
Bolš padrabiaznuju infarmacyju pra kryminalnuju spravu možna budzie daviedacca paśla sustrečy Daškieviča z advakatam, jakaja zapłanavana na 20 lipienia.
Kali Daškieviča pryznajuć vinavatym pa nazvanym artykule, jamu pahražaje jašče adzin hod pazbaŭleńnia voli.
Cichanoŭskaja i Zialenski ŭpieršyniu praviali sustreču. Zialenski zaprasiŭ Śviatłanu ŭ Kijeŭ14
Kamientary