U siabra sojmu Partyi BNF Ŭładzimiera Kiškurny siońnia kanfiskavali ryzohraf.Pieratrus pravodzili supracoŭniki adździełu baraćby ź niezakonnym abarotam narkotykaŭ Centralnaha rajonu Miensku. Svaje dziejańni jany patłumačyli tym, što syn spadara Kiškurny, pavodle ich infarmacyi, mieŭ dačynieńnie da raspaŭsiudu narkotykaŭ. Apazycyjny aktyvist, jaki žyvie ŭ pryvatnym sektary, raspaviadaje pra pieratrus:
Šukali 0, 245 hrama metadonu. Ja im nie pieraškadžaŭ, pakolki jość dazvoł prakurora na pieratrus. Jany spačatku prajšli ŭnizie. Ale, padobna, u ich była infarmacyja nakont ryzohrafa. I jany padnialisia vyšej, ubačyli ryzohraf, i kažuć: «Nu, voś,iość».
Karespandent: Jość, u sensie ryzohrafa, a nie narkotykaŭ?
Kiškurna: «Niama nijakich narkotykaŭ. Jany ich i nie šukali».
Uładzimier Kiškurna źviazvaje pieratrus sa svajoj palityčnaj dziejnaściu i padrychtoŭkaj da čarhovych akcyjaŭ apazycyi.
