Minharvykankam šukaje novaha inviestara dla zabudovy terytoryi 2-j kliničnaj balnicy.
Učastak u miežach vulic Janki Kupały, Maksima Bahdanoviča i raki Śvisłač tak i nie dačakaŭsia amanskich inviestycyj. Druhaja HKB pierajechała ŭ novy budynak pa vulicy Enhielsa jašče ŭ pačatku hetaha hoda, a staryja korpusa začynili. Z tych časoŭ tut ničoha nie adbyvałasia. Amanskija biznesmeny, jakija mieli namier zbudavać piacizorkavy hatel, elitnyja žyłyja damy i handlovyja abjekty, tak i nie źjavilisia. Tym časam stała viadoma, što Minharvykankam pačaŭ pošuki novaha inviestara.
Prapanova pa zabudovie terytoryi, dzie ciapier znachodziacca staryja balničnyja karpusy i «Biełekspa», źjaviłasia dniami u inviestycyjnym atłasie na sajcie Minharvykankama.«Kancepcyja praduhledžvaje budaŭnictva šmatfunkcyjanalnaha kompleksu vyšejšaha kłasa płoščaj 64300 kv. m, — skazana ŭ apisańni prajekta. — U prapanavanaj schiemie spałučajucca roznyja katehoryi nieruchomaści — ofisnaja, žyłaja i haściničnaja — stvarajučy piešachodnuju šmatfunkcyjanalnuju zonu z kancepcyjaj i pazicyjanavańniem u jakaści kompleksu najvyšejšaj jakaści».
Prajekt budzie pradstaŭleny na inviestycyjnym forumie, jaki projdzie ŭ Minsku ŭ listapadzie.
Jak pisali ŚMI, niekalki hadoŭ tamu ŭčastak u miežach vulic Janki Kupały, Maksima Bahdanoviča i raki Śvisłač byŭ pradadzieny amanskim inviestaram biez praviadzieńnia aŭkcyjonu za 10 młn dalaraŭ.U lutym hetaha hoda namieśnik staršyni Minharvykankama Siarhiej Radaman zajaviŭ na
— Inviestar paprasiŭ paŭhoda dla taho, kab jamu ŭdakładnić svaje pazicyi z partniorami, jakija zajmajucca finansavańniem prajekta.Było zajaŭlena, što kali na praciahu paŭhodździa novaje rašeńnie nie budzie pryniata, prajekt budzie realizoŭvacca pa raniej prapanavanaj kancepcyi: budaŭnictva haściničnaha i handlovaha kompleksaŭ i žyllovaje budaŭnictva, — skazaŭ tady Siarhiej Radaman.
Ciapier čytajuć
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1414
Kamientary