Ministerstva zamiežnych spraŭ Biełarusi pačało rasśledavańnie, jakoje papiaredničaje ŭviadzieńniu mieraŭ u adkaz adnosna impartu ŭkrainskich tavaraŭ.
Jak paviedamili BIEŁTA ŭ MZS, rašeńnie ab pačatku rasśledavańnia pryniata ŭ adpaviednasci ź biełaruskim zakanadaŭstvam i na asnovie analizu dziejańniaŭ Mižviedamasnaj kamisii pa mižnarodnamu handlu Ukrainy. Na dumku MZS Biełarusi, rašeńnie hetaj kamisii adnosna ŭvozu va Ukrainu biełaruskaha štučnaha futra i vorsavaha pałatna niepravamiernaje i «nieabhruntavana zakryvaje rezidentam Respubliki Biełaruś dostup na rynak Ukrainy».
Pavodle słoŭ śpiecyjalistaŭ MZS, abjekt rasśledavańnia — ukrainskija tavary, kančatkovy pieralik jakich budzie sfarmiravany ŭ pracesie rasśledavańnia na padstavie prapanoŭ halinovych ministerstvaŭ i kancernaŭ Biełarusi. Pry hetym u jakasci abjekta rasśledavańnia buduć razhladacca tavary, siaredniehadavy abjom impartu jakich nie pierasiahaje siaredniehadavoha abjomu ekspartnych pastavak štučnaha futra i vorsavaha pałatna ź Biełarusi va Ukrainu, što byŭ da pačatku prymianieńnia abmiežavalnych mieraŭ ukrainskim bokam.
Halinovyja ministerstvy i viedamstvy da 23 krasavika hetaha hoda mohuć padać u MZS zajavu ab svaim namiery ŭdzielničać u rasśledavanni i ŭ termin da 23 maja pradstavić svaje źviestki pa ŭkrainskich tavarach, jakija, na ich dumku, pavinny stać abjektam rasśledavańnia.
Pavodle danych Minekanomiki, tavaraabarot Biełarusi i Ukrainy ŭ studzieni 2007 hoda skłaŭ $183,7 młn i pavialičyŭsia na 23,6 pracenta ŭ paraŭnanni z anałahičnym pieryjadam minułaha hoda. Biełaruski ekspart va Ukrainu pavialičyŭsia na 16,6 pracenta i dasiahnuŭ $90,1 młn. Impartnyja pastaŭki ŭzrasli na 31,2 pracenta da $93,6 młn.
Pieršaja viasna na voli. Nina i Uładzimir Łabkovičy raskazali pra svaju historyju kachańnia i žyćcio paśla turmy5
Kamientary