Navinu rasijskaha Pieršaha kanała pra vysyłku šviedskaha pasła ŭ Biełarusi adcenzuravali
Cenzary praciahvajuć asvojvać hrošy biełaruskich padatkapłatnikaŭ. U piatnicu kanał ANT spyniŭ tranślacyju rasijskaj prahramy navin «Čas» a 20.19, u toj čas jak zvyčajna hetaja štodzionnaja paŭhadzinnaja pieradača tranślujecca z 20.00 da 20.30. Mienavita ŭ hety čas na pieršym rasijskim kanale, ź jakoha biełaruski kanał retranśluje hetuju prahramu, pakazali siužet «Paśla desanta plušavych miadźviedziaŭ biełaruski i šviedski pasły stracili pracu».
«Dypłamatyčnaje abvastreńnie siońnia adbyłosia pamiž Biełaruśsiu i Šviecyjaj, — havaryłasia ŭ siužecie. — Spačatku ŭ Stakholmie zajavili, što Minsk vysyłaje traich dypłamataŭ, u tym liku pasła — aktyŭnaha pravaabaroncu. Biełaruski bok paryravała: šviedu nie praciahnuli akredytacyju paśla 7 hadoŭ pracy, nakiravanaj na padryŭ adnosin.
Štat ambasady Biełarusi ŭ Šviecyi ciapier, mabyć, skarocicca taksama na try adzinki — u hetaj śfiery ŭsio robicca na ŭzajemnaj asnovie.
Mahčyma, karani historyi ŭ plušavych miadźviedziaŭ — cacki z łozunhami ŭ padtrymku svabody słova raskidaŭ šviedski samalot nad Minskam u pačatku lipienia.
Pieršy kanał raskazvaŭ pra heta, jašče kali sami biełaruskija vajennyja kazali, byccam ničoha takoha nie było. Ale na hetym tydni Alaksandr Łukašenka paćvierdziŭ fakt incydentu i zvolniŭ kiraŭnika pahrankamiteta i kamandujučaha VPS i SPA».
A jak,
-
U čym roźnica pamiž Trampam u Iranie i Pucinym va Ukrainie
-
Režym Łukašenki časova stanie mienš ahresiŭnym da susiedziaŭ, ale stratehična budzie imknucca da avałodańnia atamnaj zbrojaj
-
«Znajšli krajniaha», a «pastaviać sałdafona jakoha-niebudź». U sacsietkach adreahavali na zvalnieńnie kiraŭnika «Minsktransa»
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach7
Kamientary