U pastarunku apynulisia Źmicier Łupač, Viačasłaŭ Piaško i Hanna Aziemša. Źmicier Łupač — redaktar niedziaržaŭnaj hazety «Prefiekt-info». Heta rekłamnaje vydańnie, jakoje vydajecca ŭ Hłybokim i raspaŭsiudžvajecca ŭ vakolnych rajcentrach. Žurnalisty Viačasłaŭ Piaško i Hanna Aziemša zdymali, jak spadar Łupač raspaŭsiudžvaje hazietu.
«U rajadździele milicyi skazali, što niechta patelefanavaŭ i paskardziŭsia, što raspaŭsiud haziety na kirmašy zdymajuć na videakamieru. Nijakaha kryminału ja tut nie baču, i skazaŭ supracoŭnikam milicyi, što mianie zdymali maje siabry. Ale milicyjanty na hetym nie supakoilisia: pačali dapytvać mianie, ci zarehistravanaja heta hazieta, chto jaje vydaje, ź jakimi metami i hetak dalej».
Zatrymanych adpuścili, uziaŭšy ź Źmitra Łupača abiacańnie, što ŭ paniadziełak jon pieradaść pa faksie dokazy taho, što rekłamnaja hazieta vychodzić lehalna. Darečy, u Šarkaŭščynie jaje raspaŭsiudžvajuć nie pieršy hod, i dahetul pytańniaŭ nie było.
Hazietu vydaje firma «Prefiekt-info», zasnavalnik jakoj — hłybocki aktyvist kampanii «Havary praŭdu» Jarasłaŭ Biernikovič. Jon biare ŭdzieł u parłamienckaj vybarčaj kampanii — źbirajecca bałatavacca kandydatam u Navapołackaj vybarčaj akruzie №25.
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju1212
Kamientary