Pasoł Litvy: Vyzvaleńnie palitviaźniaŭ — zaruka dyjałohu ź Biełaruśsiu

ES užo nie raz kazaŭ pra toje, što zarukaj narmalnaha dyjałohu ź biełaruskimi ŭładami, źjaŭlajecca vyzvaleńnie palityčnych viaźniaŭ, śćviardžaje novy pasoł Litvy ŭ Biełarusi Linas Linkiavičus. Situacyju ŭ susiedniaj krainie jon nazyvaje nieadnaznačnaj i hałoŭnuju svaju misiju bačyć u nazirańni za situacyjaj i naładžvańni kantaktaŭ, piša Delfi.

— Vaša ŭstupleńnie na pasadu pasła supała z šeraham niespryjalnych padziej — «desant» plušavych miadźviedziaŭ, niepraciah akredytacyi šviedskamu pasłu i h.d. Jak by Vy acharaktaryzavali situacyju?

— Situacyja ŭ nas zaŭsiody była nieadnaznačnaj, i raniej, i ciapier, i, napeŭna, i ŭ budučyni buduć prablemy.

… Što da budaŭnictva AES, to heta prava kožnaj dziaržavy budavać na svajoj terytoryi roznaha rodu abjekty, u tym liku i AES. My vykazali svaju zakłapočanaść i toj fakt, što jana budzie budavacca tak blizka ad našaj miažy, my nie ličym žestam dobraj voli, i davieru heta, viadoma, nie dadaje. Adzinaje, čaho my žadajem, kab budaŭnictva ažyćciaŭlałasia pavodle mižnarodnych normaŭ kanviencyi ESPOO.

My chočam, kab usio było prazrysta, kab my mahli być pierakananyja, što budaŭnictva idzie jakasna i adpaviadaje ŭsim standartam.

— U adnym intervju vy kazali pra toje, što ź Biełaruśsiu nie treba razmaŭlać movaj ultymatumaŭ. Takija varyjanty jeŭrapiejskaja supolnaść ŭžo mieła, adnak paśla vybaraŭ Łukašenki ES pryznaŭ pamyłkovaść palityki dyjałohu. Vy miarkujecie, što heta ŭsio ž taki pravilny šlach — adsutnaść ultymatumaŭ? Z aŭtarytarnymi režymami možna razmaŭlać inakš?

— Ja rastłumaču svaju dumku. Ja mieŭ na ŭvazie toje, što, na žal, časam prychodzicca pierachodzić na movu ultymatumaŭ i sankcyj. I, jak my viedajem, heta adbyvajecca i zaraz, sankcyi ŭchvalenyja ŭ ES kalektyŭna i Litva taksama ŭ hetym udzielničaje.

Ale, ja miarkuju, heta pavinna być krajniaja miera, asabliva ŭ dačynieńni da susiedziaŭ. Nieabchodna, kab my mahli razmaŭlać nie ŭltymatyŭnym sposabam, a narmalnym tonam, tady naš partnior lepš pačuje toje, što my chočam skazać,

— Ci prynosiać kropkavyja sankcyi ES jaki-niebudź vynik?

— Heta vielmi składanaje pytańnie. Treba aceńvać usie aśpiekty, a nie tolki ich pramoje ŭździejańnie.

Kali my budziem kankretna kazać pra abmiežavańnie pajezdak biełaruskim čynoŭnikam, to efiekt, viadoma, jość, bo jany nie mohuć vyjechać. Ale kali my kažam pra ekanamičnyja sankcyi, to treba ŭsio aściarožna ŭzvažvać, kab jany nie nanosili ŭdar pa prostych ludziach i dvuchbakovych ekanamičnych adnosinach,

— Jak adbivajecca na adnosinach Litvy i Biełarusi najaŭnaść palityčnych źniavolenych?

— ES vysoŭvaje ćviordyja patrabavańni i ŭmovy, kab palityčnyja źniavolenyja byli vypuščanyja i reabilitavanyja.

— Paśla prezidenckich vybaraŭ i dalejšych padziej udzieł Biełarusi ŭ inicyjatyvie ES Uschodniaje partniorstva zatarmaziŭsia. Jakija pierśpiektyvy vy bačycie dla hetaj krainy ŭ zhadanaj inicyjatyvie?

— Usio zaležyć ad zacikaŭlenaści samoj Biełarusi, ale ŭ pryncypie, ja liču, luby kanał dla kantaktaŭ, dyjałohu, u tym liku i Uschodniaje partniorstva vielmi važny.

— Šerah pasłoŭ padčas śniežańskich padziej 2010 hoda ŭ Minsku, u tym liku i vaš papiarednik Edminas Bahdonas, pryjšli na płošču Niezaležnaści, kab padtrymać tych, chto vyjšaŭ na akcyju pratestu. Vy hatovyja pastupić sapraŭdy hetak ža?

— Zadača pasłoŭ i pasolstvaŭ, dypłamataŭ navodzić kantakty z usimi płastami nasielnictva — ź dziaržavaj, biźniesmienami, moładździu i apazicyjaj. Nie pavinna być vyklučeńniaŭ. Dypłamaty nie ŭdzielničajuć va ŭnutranym palityčnym žyćci hetaj krainy i nie pavinny zajmać čyjści bok, pakolki heta nieabjektyŭna i niekarektna. Ale nazirańnie za padziejami ažyćciaŭlajecca, u tym liku ŭ praktycy dypłamataŭ ES. Tak što ja baču mahčymaść nazirańnia, ale nie ŭdziełu.

• 0
• 0
• 0
• 0
• 0
• 0
• 0
• 0