Z «Juniviest-M» vyvieli naftavyja taksiny

Biźniesmien Anatol Tarnaŭski paśledavaŭ prykładu svaich kalehaŭ pa jeŭrasajuznym niaščaści Uładzimiry Piefcijeva i Juryi Čyža i vyvieŭ z publičnaj śfiery naftavyja aktyvy. Na sajcie kampanii «Juniviest-M» u raździele «biźnies-śfiery» bolš nie značycca "naftapierapracoŭka"

Adnak, jak udałosia vyśvietlić, de-fakta akcyjaniery kampanii praciahvajuć zajmacca realizacyjaj biełaruskich naftapraduktaŭ.

«Juniviest-M» u 2001 h. stvaryli vychadcy z «Słaŭnafty» na čale z Anatolem Tarnaŭskim. Kampanija zajmałasia pierapracoŭkaj rasijskaj nafty na biełaruskich NPZ i dalejšym prodažam naftapraduktaŭ.

Bolšy ŭpor byŭ zrobleny na Mazyrski NPZ, dzie «Słaŭnafta» była akcyjanieram. Nieŭzabavie Biełaruś stała «naftavym afšoram», a «Juniviest-M» staŭ adnym z najbujniejšych naftatrejdaraŭ. Asabliva dobra išoŭ ekspart naftapraduktaŭ u Jeŭropu.

Atrymaŭšy značny naftavy prybytak, «Juniviest-M» u 2007 h. pryniaŭ rašeńnie dyviersifikavać biznes i ŭ imhnieńnie voka staŭ adnym z bujnych biełaruskich deviełapieraŭ, aktyŭna inviestujučy ŭ budaŭnictva žyłoj i kamiercyjnaj nieruchomaści.

Zaraz hrupie kampanij «Juniviest-M» naležać nastupnyja abjekty: mini-polis «Kaskad», haścinica ŭ Žłobinie, biźnies-centry ŭ Minsku, ustanovy hramadskaha charčavańnia i Smalavicki zavod žaleza-bietonnych vyrabaŭ.

Šerah deviełapierskich prajektaŭ realizujecca pad markaj kampanii «Juniviestbudinviest», zasnavalnikami jakoj, pa najaŭnaj infarmacyi, akramia «Juniviest-M» źjaŭlajucca struktury, blizkija da Prezidenckaha spartyŭnaha kłuba, jaki ŭznačalvaje Dźmitryj Łukašenka.

23 sakavika 2012 hoda ministry zamiežnych spraŭ 27 krain ES pahadzilisia na ŭviadzieńnie sankcyj u dačynieńni da 12 čałaviek i 29 kampanij ź Biełarusi, čyj ujezd u ES zabaronieny i čyje aktyvy na jaho terytoryi pavinny być zamarožanyja. U čornym śpisie apynuŭsia Anatol Tarnaŭski i try jaho kampanii («Juniviest-M», «Junis Ojł», «Juniviestbudinviest»).

U ES Tarnaŭskaha nazyvajuć «adnym z kašalkoŭ režymu Łukašenki».

Dziejnaść zhadanych kampanij pieravažna zasiarodžanaja ŭ Biełarusi.

Adzinaje, što źviazvała ich ź Jeŭropaj, heta naftapradukty, jakija ekspartavalisia ŭ ES.

Krynica ŭ naftavaj śfiery paćviardžaje, što «Juniviest-M» u apošni čas byŭ nie hetak aktyŭny [u naftapierapracoŭcy], jak raniej. Ciapier u ich, kažuć, adkryłasia druhoje dychańnie. Zrešty, jak va ŭsich».

Niekalki miesiacaŭ tamu źjaviłasia infarmacyja, što «Juniviest-M» značycca siarod pastaŭščykoŭ bijadyzielnaha paliva va Ukrainu. U hety ž momant aktyvizavaŭ svaju dziejnaść i miascovy trejdar «Słavianskija naftapradukty», praź jakoha raniej «Słaŭnafta» viała biznes va Ukrainie. Krynica na ŭkrainskim naftavym rynku paćviardžaje, što «za ŭsimi hetymi strukturami stajać vychadcy „Słaŭnafty“, jany realizujuć naftapradukty vytvorčaści Mazyrskaha NPZ». Krynica nie vyklučyła, što «adradžeńnie najstarejšaha ŭkrainskaha naftatrejdara» źviazana z sankcyjami ES u Biełarusi.

Varta taksama adznačyć, što «Juniviest-M» i jaho «dačka» «Junis Ojł» majuć licenziju «Biełnaftachima» na aptovy handal biełaruskimi i impartnymi naftapraduktami.

Krynica z uśmieškaj na tvary kaža, što «naftaviki, jak i čekisty, byłymi nie byvajuć».

• 0
• 0
• 0
• 0
• 0
• 0
• 0
• 0