Havorka ŭ joj pra jarkija mini-rehijony Biełarusi, jak Brasłaŭski kraj, Niaśviskija prastory i Cichaja Biesiedź na Homielščynie.
U Minsku pradstaŭlena kniha prafiesara Alaksandra Łakatko «Historyka‑kulturnyja łandšafty Biełarusi»
Prezientacyja knihi člena‑karespandenta Nacyjanalnaj akademii navuk Biełarusi, dyrektara Instytuta mastactvaznaŭstva, etnahrafii i falkłoru NANB Alaksandra Łakatko «Historyka‑kulturnyja łandšafty Biełarusi» prajšła 4 krasavika ŭ budynku prezidyuma NANB u Minsku. Kniha vypuščana ŭ kancy 2006 hoda vydavieckim domam «Biełaruskaja navuka».
Jak zaznačyŭ aŭtar, daśledavańnie pryśviečana prablemie kompleksnaha analizu terytoryi krainy dla vyjaŭleńnia łakalnych rajonaŭ z bahataj pryrodnaj i historyka‑kulturnaj spadčynaj. Pavodle słoŭ A.Łakatko, na asnovie šmathadovych ekśpiedycyj i vyvučeńnia archivaŭ vyjaŭlena bolš za 30 jarkich łakalnych rajonaŭ (u tym liku Brasłaŭski kraj u Viciebskaj vobłaści, Niaśvižskija prastory ŭ Minskaj vobłaści i Cichaja Biesiedź u Homielskaj vobłaści), jakija źjaŭlajucca najbolš važnymi dla raźvićcia ajčynnaha turyzmu.
«Kali ŭličyć, što asnoŭnym praduktam turyzmu stanoviacca viedy ab krainie, jaje kultury i narodzie, to łakalnyja rajony z raznastajnaściu historyka‑kulturnaj, materyjalnaj i duchoŭnaj spadčyny vałodajuć značnym patencyjałam dla raźvićcia imidžu Biełarusi», — padkreśliŭ vučony.
Pavodle słoŭ akademika‑sakratara adździaleńnia humanitarnych navuk i mastactvaŭ NANB Piatra Nikicienki, kultura stanovicca važnaj ekanamičnaj katehoryjaj, i humanitarny składalnik dasiahaje 90% pryrostu VUP Biełarusi. Na jaho dumku, realizacyja idej, zakładzienych u knizie A.Łakatko, u tym liku kancepcyi farmavańnia infrastruktury turyzmu na asnovie śpirali, jakaja biare pačatak u Minsku i achoplivaje mnohija łakalnyja rajony krainy, budzie sadziejničać raźvićciu ajčynnaj ekanomiki.
Načalnik upraŭleńnia pa achovie historyka‑kulturnaj spadčyny i restaŭracyi Ministerstva kultury Vasil Abłamski prapanavaŭ aŭtaru knihi stać kurataram temy «Draŭlanaja kultavaja architektura Paleśsia» dla jaje padrychtoŭki ŭ jakaści kandydata na ŭniasieńnie ŭ Suśvietny śpis kulturnaj i pryrodnaj spadčyny JUNIESKA.
Vydańnie ilustravana šmatlikimi archiŭnymi i sučasnymi fatahrafijami. U knihu ŭklučany karty łakalnych rajonaŭ, śpis pomnikaŭ architektury i daroh krainy, rekamiendavanych dla vykarystańnia ŭ infrastruktury turyzmu.
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram13
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2020
Kamientary