KDB adkazvaje šviedam: Lepš siadzieć u biełaruskaj turmie, čym u litoŭskaj
U nas za niezakonnaje pierasiačeńnie miažy — 2 hady, litoŭcy mohuć dać 10.
Śledstva prahnazavała, što arhanizatar i ŭdzielniki niezakonnaha pierasiačeńnia biełaruskaj miažy na lohkamatornym samalocie 4 lipienia admoviacca pryjazdžać u Biełaruś dla dačy pakazańniaŭ KDB, bo razumiejuć, što ŭčynili złačynstva. Ab hetym zajaviŭ BiełaPAN načalnik centra infarmacyi i hramadskich suviaziej Kamiteta dziaržbiaśpieki Alaksandr Antanovič.
Svaju admovu pryjechać u Minsk arhanizatary «plušavaha desanta» abnarodavali ŭ vyhladzie adkrytaha lista na imia Alaksandra Łukašenki, apublikavanaha 14 žniŭnia na sajcie šviedskaha
Zvarot źjaŭlajecca adkazam na pozvy, jakija KDB nakiravaŭ šviedam na minułym tydni. Pradstaŭnikam Studio Total — udzielnikam akcyi Chanie Linie Frej, Pieru Kromviełu i Tomasu Mazeci było pradpisana na praciahu 10 dzion źjavicca ŭ śledčy adździeł KDB dla ŭdziełu ŭ śledčym dziejańniach (dopycie). «Admova abo ŭchileńnie śviedak abo paciarpiełych ad dačy pakazańniaŭ u chodzie papiaredniaha śledstva abo daznańnia karajecca štrafam, abo papraŭčymi rabotami terminami da 2 hadoŭ, abo pazbaŭleńniem voli na termin da 6 miesiacaŭ u adpaviednaści z art. 402 Kryminalnaha kodeksa Respubliki Biełaruś», — havaryłasia ŭ pozvach za podpisam śledčaha KDB Tarnaŭskaha.
Alaksandr Antanovič źviarnuŭ uvahu na toje, što, zhodna ź biełaruskimi zakonami, niezakonnaje pierasiačeńnie miažy karajecca pazbaŭleńniem voli na termin da 2 hadoŭ, zhodna ź litoŭskimi — da 10.
Jon nahadaŭ, što ŭ adnym ź intervju Pier Kromvieł zajaviŭ, što praviadzieńnie
«Uciahnuć u pravakacyju hramadzian suvierennaj dziaržavy (mabyć, majucca na ŭvazie Anton Surapin i Siarhiej Bašarymaŭ, jakija znachodziacca ciapier pad vartaj) lohka, a dapamahčy im nie chapiła duchu», — kanstatavaŭ Antanovič.
Havoračy pra dalejšyja dziejańni KDB, jon skazaŭ, što śledstva ciapier čakaje aficyjny adkaz ad Litvy i Šviecyi na prośbu ab akazańni pravavoj dapamohi pry rasśledavańni spravy ab niezakonnym pierasiačeńni miažy.Pry hetym Antanovič źviarnuŭ uvahu na toje, što z hetaj situacyi pravaachoŭnyja struktury luboj dziaržavy zrobiać adnaznačnuju vysnovu ab tym, što niezakonnaje pierasiačeńnie miažy — heta kryminalnaje złačynstva.
Ciapier čytajuć
Zališniaje budaŭnictva: ci moža luboŭ biełarusaŭ inviestavać hrošy ŭ kvatery pryvieści da kryzisu na rynku nieruchomaści?18
Kamientary