Padčas zatrymańnia jany sprabavali akazać palicyjantam ŭzbrojeny supraciŭ, paviedamlajecca na sajcie hienprakuratury Kazachstana. U vyniku pierastrełki ranieńnie atrymaŭ adnych z bajcoŭ śpiecnaza Kamiteta nacyjanalnaj biaśpieki.
Žychary bližejšych damoŭ byli evakujavanyja da pačatku apieracyi.Pa dadzienych uładaŭ, siarod mirnaha nasielnictva achviar i paciarpiełych niama.
Pavodle aficyjnych dadzienych, śpiecapieracyja była praviedziena ŭ ramkach rasśledavańnia spravy ab vybuchu, jaki adbyŭsia ŭ lipieni 2012 hoda ŭ pasiołku Tausamały ŭ Ałmacinskaj vobłaści.Tady ŭ adnym z damoŭ byli vyjaŭlenyja vosiem ciełaŭ, uklučajučy čaćviarych dziaciej, a taksama ahniastrelnuju zbroju, bojeprypasy, kampanienty dla samarobnych vybuchovych pryład, relihijnuju litaraturu, hrošy i formy palicyi.
Pa viersii śledstva, vierahodnaj pryčynaj zdareńnia staŭ mižvolny vybuch samarobnaj bomby, achviarami jakoj stali sami jaje vyrabniki.
Pavodle źviestak Hienprakuratury Kazachstana, pa fakcie vybuchu była ŭzbudžana kryminalnaja sprava pa artykule "padrychtoŭka da teraryzmu".
Paźniej
u niekatorych ŚMI było vyłučana viersija, što ŭ pasiołku Tausamały rychtavaŭsia terakt suprać prezidenta respubliki Nursułtana Nazarbajeva. Ułady nie paćvierdzili hetuju infarmacyju, adnak i nie abvierhli.
Śledstvam było ŭstanoŭlena, što tyja, chto maje dačynieńnie da hetaha złačynstva, chavajucca ŭ dačnym masivie "Tan".
Heta ŭžo druhi kryvavy incydent za apošnija dni ŭ Ałmacinskaj vobłaści. U pačatku tydnia ŭ Ile-Ałatauskim nacyjanalnym parku kala Ałma-Aty byli zabityja 11 čałaviek.Aficyjnyja ŭłady zajavili, što pamiž piatničnaj śpiecapieracyjaj i zabojstvam u nacyjanalnym parku suviazi niama.
0
0
0
0
0
0
