Andrej Klimaŭ zajaviŭ pra nievinavataść i admoviŭsia śviedčyć

Pra admovu Andreja Klimava supracoŭničać sa śledztvam i davać pakazańni paviedamiła advakat Kaciaryna Dudko, jakaja akazvała Klimavu jurydyčnyja pasłuhi, kali jamu vystavili abvinavačańnie.

«Jon narmalna trymaŭsia, kali jaho znajomili z abvinavačańniem, — raskazvaje Kaciaryna Dudko. — Nie skazać, što byŭ razhubleny, ale jon mnie pra heta ničoha nie kazaŭ. Zajaviŭ, što nie vinavaty i admaŭlajecca davać pakazańni».

Ad kamentavańnia abvinavačańnia, vystaŭlenaha Andreju Klimavu, advakat Kaciaryna Dudko ŭstrymałasia: «Jon narmalna trymaŭsia, kali jaho znajomili z abvinavačańniem».

U jakich umovach trymajuć palitviaźnia? Śledčy prakuratury Miensku Anatol Hadun pra heta ničoha nie paviedamiŭ, spasłaŭšysia na słužbovyja praviły. Admoviŭsia adkazvać na pytańnie pra turemnyja ŭmovy Klimava j dziažurny mienskaha śledčaha izalataru na vulicy Vaładarskaha, dzie z 3‑ha krasavika trymajuć palityka.

U mienskim śledčym izalatary Andrej Klimaŭ užo treci raz. Žonka palityka Taciana pryhadała, što kazaŭ Andrej pra ŭmovy, u jakich jaho trymali padčas pieršaha aryštu ŭ 1998 hodzie:

«Tam byli biesčałaviečnyja ŭmovy. Jon siadzieŭ u kamery pamieru paŭtara na try metry. Kamera raźličana na dva čałavieki, a tam ich znachodziłasia šeść. Andrej nieprytomnieŭ, u jaho spyniałasia serca, i jon trapiŭ u špital. My tady źviarnulisia da admysłovaha dakładčyka AAN pa katavańniach».

Pakul Taciana Klimava ničoha nia viedaje pra ŭmovy, u jakija trapiŭ jaje muž na «Vaładarcy» hetym razam. Pavodle Taciany, jana pieradała Andreju kaperty i čakaje ad muža listoŭ

Ci nie palepšylisia ŭmovy ŭ turmie na Vaładarskaha z 1998 hodu? Letaś moładzievaha aktyvista Cimafieja Drančuka da sudu ŭtrymlivali ŭ hetym ža śledčym izalatary.

«Tam častka kamer znachodzicca ŭ padvałach, dzie zusim niama śviežaha pavietra i dzionnaha śviatła, — pryhadvaje Drančuk. — Praktyčna ŭsie kamery, akramia niekalkich kamercyjnych, pierapoŭnieny. Ludzi śpiać tam pa čarzie, ale ŭsio roŭna adpačyvać niemahčyma, bo ŭvieś čas haryć śviatło, hvałt, zaducha. Što da ježy na «Vaładarcy», dyk jana chutčej dla žyvioły, čym dla ludziej

❏

Andreja Klimava vinavaciać u zaklikach da źviaržeńnia dziaržaŭnaha ładu. Padstavaju dla kryminalnaj spravy staŭ artykuł za podpisam palityka, raźmieščany na sajcie prychilnikaŭ Abjadnanaj hramadzianskaj partyi.

• 0
• 0
• 0
• 0
• 0
• 0
• 0
• 0