II fiestyval etnakulturnych tradycyj «Klič Paleśsia» projdzie ŭ ahraharadku Laskavičy Pietrykaŭskaha rajona Homielskaj vobłaści 24–25 žniŭnia,paviedamiła namieśnik načalnika ŭpraŭleńnia kultury Homielskaha abłvykankama Volha Antonienka.
Udzielnikami śviata stanuć vykanaŭcy i zachavalniki narodnaj kultury Biełarusi, majstry i ramieśniki z vaśmi rajonaŭ Homielskaj (Žytkavicki, Jelski, Kalinkavicki, Lelčycki, Mazyrski, Naraŭlanski, Pietrykaŭski, Chojnicki) i 3 rajony Bresckaj (Łuniniecki, Pinski, Stolinski) abłaściej, sotni hanarovych haściej z dalokaha i blizkaha zamiežža. Razam z samadziejnymi kalektyvami vystupiać znakamityja artysty Homielščyny i Brestčyny. Asablivy kałaryt fiestyvalu nadaść udzieł u jakaści haściej prafiesijnych artystaŭ Biełarusi.
Asnoŭnaja meta fiestyvalu — zachavańnie i papularyzacyja etnakulturnych tradycyj Prypiackaha Paleśsia, jakija źjaŭlajucca zdabytkam nacyjanalnaj kultury Biełarusi.
U prahramie mierapryjemstva konkurs padvorkaŭ, dzie buduć pradstaŭleny spradviečna paleskija promysły, a taksama konkurs charavych kalektyvaŭ i vakalistaŭ, jakija raskryjuć unikalnaść narodnaj tvorčaści palešukoŭskaha kraju. Taksama projduć
Taksama hetymi dniami adbudziecca adkryćcio muzieja pryrody Nacyjanalnaha parku «Prypiacki», praviadzieńnie kruhłaha stała z udziełam viadučych turapierataraŭ Biełarusi, prezientacyja videafilma ab Paleśsi i šmat inšaha.
Upieršyniu fiestyval etnakulturnych tradycyj prajšoŭ u vieraśni 2010 hoda, udzielnikami jakoha stali kala 5,5 tys. čałaviek.
Ciapier čytajuć
Na pamiatnaj banknocie da hadaviny Pieramohi źmiaścili nieisnujučuju biełaruskuju słavutaść6
Kamientary