«Kali b Karpienka byŭ žyvy, ułada pačuvałasia b mienš kamfortna»
Siońnia spoŭniłasia vosiem hadoŭ z dnia śmierci palityka.
Kali b Hienadź Karpienka byŭ žyvy, ułada adčuvała b siabie mienš kamfortna. Takoje mierkavańnie vykazaŭ u intervju BiełaPAN lider Abjadnanaj hramadzianskaj partyi Anatol Labiedźka.
Nahadajem, viadomy biełaruski palityk pajšoŭ z žyćcia vosiem hadoŭ tamu. Vicie‑śpikier Viarchoŭnaha savieta, staršynia Nacyjanalnaha vykanaŭčaha kamiteta, člen‑karespandent Nacyjanalnaj akademii navuk, prafiesar Hienadź Dźmitryjevič Karpienka pamior u 7 hadzin ranicy 6 krasavika 1999 hoda. Sapraŭdnyja pryčyny jaho śmierci dahetul nieviadomyja. Žonka i dzieci apazicyjnaha palityka z‑za pastajannaha pieraśledu i presinhu z boku ŭładaŭ vymušany byli vyjechać u Hiermaniju, dzie atrymali status palityčnych biežancaŭ.
«Isnuje chodkaje mierkavańnie, što niezamiennych ludziej nie isunie. Ale heta nie tak. I, na žal, našy tavaryšy, jakich z nami ŭžo niama, — Hienadź Karpienka, Juryj Zacharanka, Viktar Hančar, Dźmitryj Zavadski, Anatol Krasoŭski — paćviardžeńnie tamu, što niezamiennyja ludzi ŭsio ž jość. I nam ich vielmi nie chapaje», — skazaŭ A.Labiedźka.
Pavodle słoŭ palityka, kali b H.Karpienka byŭ žyvy, «vybary prajšli b zusim pa‑inšamu». «Była b bolš vyražanaja piersanalnaja inicyjatyva na prezidenckich vybarach. Była b inšaja situacyja, usio było b pa‑inšamu», — ličyć A.Labiedźka.
Jak paviedamiŭ lider AHP, siońnia členy partyi nie płanujuć niejkich «hučnych mierapryjemstvaŭ». «My prosta źjeździm na mohiłki, z adnapartyjcami, jaho kalehami pa Viarchoŭnym saviecie jašče raz uzhadajem hetaha śvietłaha čałavieka», — skazaŭ A.Labiedźka.
Kamientary