Hruzija — Biełaruś — 1:0.
Nacyjanalnaja zbornaja Biełarusi startavała ŭ adbory da čempijanata
Na spravie ž atrymlivajecca, što jaki raz pra roŭnych mahčymaściach našy atrymlivajuć «baranku». Tak było pry Štanhie, ciapier paŭtarajecca z Kandraćjevym. U pieršym tajmie cudoŭnyja momanty ŭpuścili Siarhiej Bałanovič i Anton Puciła. Uvohule, biełarusy byli bližej da hoła.Pieršy tajm azmročyŭsia tolki traŭmami Paŭła Niachajčyka i Maksima Žaŭnierčyka. Abodvuch trenier byŭ vymušany zamianić. U druhim tajmie na nasiłkach jašče vynieśli z pola Jana Ciharava.
Druhi tajm znoŭ pačaŭsia z atak našaj zbornaj. Ale zabili hruziny. Tarnikie Akryašvili pakinuŭ svaim fintom u durniach adrazu troch biełarusaŭ (Puciłu, Vierchaŭcova i Ciharava) i spakojna pakaciŭ miač mima Vieramka — 1:0.
Kali biełarusy apynulisia ŭ roli, što adyhryvajecca, vastrynia ŭ atacy kudyści prapała. Zapomniŭsia tolki rospačny ŭdar abaroncy Maksima Bardačova. Hruziny pieramahli i nie skažaš, što nie zasłužana.BATE ŭ hetym adboračnym cykle da Lihi čempijonaŭ pakazaŭ, jak treba hulać da apošniaj chviliny. Čatyry ź dzieviaci hałoŭ kamanda zabiła ŭ kampiensavany čas, zbornaj takoj kancentracyi i prahi baraćby nie chapaje.
U aŭtorak chłopcy Kandraćjeva praviaduć matč z Francyjaj u Paryžy. Pačatak a 22:00.
Francuzy siońnia vyjhrali ŭ haściach u Finlandyi 1:0 (Abu Dyabi, 20-ja chvilina).
U Minsku adbylisia masavyja zatrymańni vydaŭcoŭ i kniharaspaŭsiudnikaŭ33
Kamientary