La Biełaviežy raźbiłasia BMW 3-Series — zahinuła 5 čałaviek 25

Trahiedyjaj skončyłasia subotniaja viačerniaja pajezdka maładoj kampanii na BMW 3-Series. Aŭtamabil, u jakim znachodziłasia šeść čałaviek, vylecieŭ u kiuviet i niekalki razoŭ pierakuliŭsia. Praktyčna ŭsich pasažyraŭ vykinuła z sałona. Jak paviedamiła Natalla Sacharčuk, načalnik adździaleńnia ahitacyi i prapahandy DAI Bresckaj vobłaści, papiarednie było ŭstanoŭlena, što na novaj trasie «Abychod nacparka «Biełaviežskaja pušča» kiroŭca vybraŭ niebiaśpiečnuju chutkaść ruchu.

«Za rulom BMW znachodziŭsia małady čałaviek 1988 h. n., — raspaviała Natalla Sacharčuk. —

U mašynie aproč jaho znachodziłasia piaciora pasažyraŭ: dźvie dziaŭčyny 16 i 17 hadoŭ, dva chłopcy 1988 i 1987 h. n., Asoba treciaha maładoha čałavieka pakul nie vyśvietlenaja.

Usie jany — žychary horada Vysokaje i bližejšych viosak. Kala 22.40 jany prajazdžali 2-hi kiłamietr unikalna źvilistaj darohi R-98, kali kiroŭca straciŭ kantrol nad mašynaj.

Pa papiarednich dadzienych, jon niapravilna vybraŭ chutkaść ruchu i na zakruhleńni darohi nie spraviŭsia z kiravańniem. Aŭtamabil vylecieŭ u pravy pa chodu ruchu kiuviet i niekalki razoŭ pieraviarnuŭsia, u vyniku spyniŭšysia na baku».

«Kiroŭca i adna dziaŭčyna zastalisia ŭ sałonie, — udakładnili ŭ Dziaržaŭtainśpiekcyi. — Astatnich maładych ludziej pavykidała z aŭtamabila. Pa papiarednich dadzienych,

paśla DTZ kiroŭca zmoh samastojna vybracca i dajści da trasy, kab paklikać na dapamohu.

Jaho padabraŭ aŭtaŭładalnik, jaki prajazdžaŭ mima, i dastaviŭ u špital. Z papiarednim dyjahnazam „čerapna-mazhavaja traŭma, vyciataja traŭma žyvata, unutrybrušny kryvaciok“ jaho pakłali ŭ reanimacyjnaje adździaleńnie. Lekaram jon paviedamiŭ, što patrapiŭ u avaryju. Na miesca DTZ vyjechali supracoŭniki DAI».

«U samoj mašynie znachodziŭsia adzin čałaviek — paciarpiełaja dziaŭčyna, — paviedamiła Natalla Sacharčuk. — Jaje zacisnuła — spatrebiłasia dapamoha ratavalnikaŭ pa debłakavańni.

Lekary zmahalisia za jaje žyćcio, adnak u špitali jana pamierła. Taksama inśpiektary znajšli adnaho zahinułaha kala raźbitaha BMW, adno cieła znachodziłasia pad pabitym aŭtamabilem. Supracoŭniki DAI niekalki hadzin abśledavali miesca zdareńnia i vyjavili jašče dvuch niabožčykaŭ za sto mietraŭ ad mašyny.

U vyniku ŭ hetaj strašnaj avaryi vyžyŭ tolki kiroŭca, jaki, jak dakładna ŭstanoŭlena, byŭ pryšpileny ramianiom biaśpieki i znachodziŭsia ŭ ćviarozym stanie.

Ciapier jon u balnicy, pakul niama źviestak, adkul i navošta nakiroŭvalisia maładyja ludzi. Viadziecca dalejšy razhlad».

Onliner.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH