Čempijonu Alimpijady Siarhieju Martynavu prysvojena zvańnie pałkoŭnika

Čempijonu XXX letnich Alimpijskich hulniaŭ u Łondanie padpałkoŭniku Siarhieju Martynavu prysvojena čarhovaje vajskovaje zvańnie — 7 vieraśnia ministr abarony Biełarusi hienierał-lejtenant Juryj Žadobin uručyŭ spartsmienu pahony pałkoŭnika,

paviedamlaje «Biełorusskaja vojennaja hazieta».

Na Hulniach u Łondanie Martynaŭ zavajavaŭ załaty miedal u stralbie z małakalibiernaj vintoŭki z 50 mietraŭ. Pryčym abnaviŭ suśvietny i alimpijski rekordy.

Spartsmien-instruktar2-ha adździeła spartyŭnaha kamiteta Uzbrojenych sił pałkoŭnik Siarhiej Martynaŭ — zasłužany majstar sportu. Pieramožca (2012) i dvuchrazovy bronzavy pryzior (2000 i 2004) Alimpijskich hulniaŭ. Dvuchrazovy čempijon śvietu. Šmatrazovy pryzior čempijanataŭ śvietu i Jeŭropy. Uładalnik Kubka śvietu. Rekardsmien śvietu i Alimpijskich hulniaŭ. Pryzior čempijanataŭ śvietu i Jeŭropy siarod vajennasłužačych.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH