Na «Biełsacie» startavała novaje šou «Razmova»: zdymali ŭ tajamnicy

Alaksiej Dzikavicki: Novy farmat praduhledžvaje amal try hadziny infarmacyjna-publicystyčnaha viaščańnia ŭ prajm-tajm — ad 19:00 da 21:45. Pałovu hetaha času zojmie žyvy efir. Mienavita takija prahramy najbolš papularnyja siarod našych hledačoŭ. Pavodle vynikaŭ daśledavańniaŭ našaj aŭdytoryi, kala 70% hledačoŭ cikaviać mienavita infarmacyjnyja prahramy. Kožnaja hadzina błoku budzie pačynacca «žyvoj» paŭhadzinkaj, dzie buduć vypuski navinaŭ, a taksama sport, nadvorje, naviny kultury, ahlad presy i elektronnych medyjaŭ. Siudy ž vierniecca prahrama «Haračy kamientar». Viadoŭcy błoku — heta maładyja, ale ŭžo daśviedčanyja žurnalisty, jakija pracujuć z nami ad pačatku viaščańnia: Aleś Zaleŭski, Siarhiej Padsasonny, Alina Koŭšyk. Naviny buduć vieści Volha Šarapkina, Volha Žarnasiek i Kiryła Śmiahlikaŭ.

«Naša Niva»: A što za prahramu buduć vieści spadary Žbankoŭ i Mackievič?

AD: Jana budzie iści pry kancy błoku (kala 21:30). Heta naša absalutnaja navinka, vieści jany buduć pa čarzie. Ich zadača — bolš šyroki, časam navat nie na złoby dnia, kamientar da roznych prajavaŭ našaha žyćcia. Heta razmova ŭ farmacie viadoŭca+hość. Pryčym jaje adroźnieńnie ad inšych prahramaŭ takoha kštałtu (naprykład «Haračaha kamientara») palahaje ŭ tym, što viadoŭcy takoha ŭzroŭniu mohuć nie tolki zadavać pytańni hościu, ale i vykazvać ułasnyja mierkavańni, acenki.

NN: A čamu mienavita Žbankoŭ i Mackievič?

AD: Nam padajecca, što hetyja ludzi majuć svaje vyraznyja pazicyi, chacia, kaniečnie, jany šmat kamu mohuć i nie padabacca.

NN: Ci abapiralisia vy na niejkija anałahi pry stvareńni hetaj pieradačy? Heta niešta kštałtu šou Łary Kinha ci Devida Letermana?

AD: U pryncypie, u telebačańni ciažka prydumać niešta novaje. Adnak u Biełarusi na dziaržaŭnych padobnych prahramaŭ posta niama i ŭ hetym navizna «Razmovy» jak i tam niama i intelektuałaŭ takoha ŭzroŭniu jak spadary Mackievič i Žbankoŭ. Kali chočacie, heta možna paraŭnać ź pieradačami Poźniera na rasiejskim TB. Pieradača budzie iści ad aŭtorka pa piatnicu.

NN: Atrymlivajecca 208 pieradač za hod. Ci chopić haściej? Jechać u Varšavu prablematyčna...

AD: Dzie budzie rabicca prahrama — heta pakul nievialikaja tajamnica.

NN: A łukašenkaŭcy buduć? Kab było sutyknieńnie dumak?

AD: My ŭžo šmatrazova namahalisia zaprasić pradstaŭnikoŭ ułady ŭ roznyja publicystyčnyja prahramy, ale jany, na žal, admaŭlajucca.

NN: Pra što ž tady dyskutavać buduć, kali niama łukašenkaŭcaŭ?

AD: Farmat prahramy praduhledžvaje, što u joj voźmie udzieł viadoŭca i adzin hość. Biaručy pad uvahu tempieramient i śvietapohlady abodvuch viadoŭcaŭ, dumaju, dyskusija ŭdasca. Jana, zrešty, nie abaviazkova pavinna być nadta «haračaj». Hałoŭnaje, kab hledač atrymaŭ bolš šyroki pohlad na prablemu.

* * *

Premjernaja pieradača adbyłasia ŭ aŭtorak 11 vieraśnia, pravioŭ jaje spadar Mackievič, jaje temaj była «Rola i miesca čałavieka ŭ palitycy i hramadskim žyćci ŭ Biełarusi», a hościem byŭ Alaksandr Fiaduta.

• 0
• 0
• 0
• 0
• 0
• 0
• 0
• 0