Krystafier Styvens, źleva, u Trypali (Livija), červień 2012.
Pasoł ZŠA u Libii Krystafier Styviens i jašče try supracoŭniki amierykanskaha pasolstva zabityja ŭ vyniku ŭčorašniaha ŭzbrojenaha napadu na konsulstva Złučanych Štataŭ u horadzie Bienhazi.
Raniej Dziarždepartamient ZŠA asudziŭ napad na amierykanskaje konsulstva ŭ Bienhazi.
U aŭtorak hrupa ŭzbrojenych ludziej šturmavała, a zatym padpaliła budynak konsulstva ZŠA ŭ Bienhazi. Paśla napadu pačalisia žorstkija sutyknieńni demanstrantaŭ ź siłami biaśpieki.
Heta adbyłosia paśla demanstracyi kala pasolstva ZŠA ŭ stalicy Jehipta Kairy. Manifiestanty pratestavali suprać abraźlivaha, jak jany ličać, dla isłama filma pra praroka Muchamieda, źniataha nibyta jehipieckimi chryścijanami-koptami, jakija žyvuć u ZŠA, na hrošy sponsaraŭ-habrejaŭ. Film marhinalny, i źmieščany tolki ŭ Internecie. Režysior zajaviŭ, što pryciahnuŭ da sponsarstva kala sta čałaviek, ich imionaŭ jon nie nazyvaje.
0
0
0
0
0
0
