Tavarystva biełaruskaj škoły, Mižnarodnaja asacyjacyja biełarusistaŭ, zhurtavańnie biełarusaŭ śvietu «Baćkaŭščyna» i inšyja biełaruskija hramadzkija arhanizacyi zasnavali premiju dla biełaruskamoŭnych vykładčykaŭ VNU.
Tavarystva biełaruskaj škoły, Mižnarodnaja asacyjacyja biełarusistaŭ, zhurtavańnie biełarusaŭ śvietu «Baćkaŭščyna» i inšyja biełaruskija hramadzkija arhanizacyi zasnavali premiju imia Vacłava Łastoŭskaha dla biełaruskamoŭnych vykładčykaŭ VNU.
Zasnavalniki kažuć, što asnoŭnaj metaj hetaj premii jość «pilnaja patreba ŭ maralnaj padtrymcy biełaruskamoŭnych vykładčykaŭ vyšejšaj škoły, stymulavańnia vykładańnia pa-biełarusku». Najpierš heta premija datyčyć vykładčykaŭ dyscyplinaŭ, jakija redka va ŭniversytetach čytajucca pa-biełarusku.
U skład arhanizacyjna-premijalnaj rady ŭvajšli staršynia TBŠ Aleś Łozka, staršynia HA «Mižnarodnaja asacyjacyja biełarusistaŭ» Siarhiej Zaprudski, staršynia ZBS «Baćkaŭščyna» Alena Makoŭskaja, hanarovy staršynia Biełaruskaha PEN-centru Lavon Barščeŭski, juryst Jarasłaŭ Kryvoj, filolah Vital Alisionak.
Dla taho, kab pryniać udzieł u konkursie nieabchodna da 15 traŭnia padać zajaŭku na e-mail: lastouski@gmail.com , ci na paštovuju skrynku: 220029 Minsk, a/s № 64. Formu padačy zajaŭki možna znajści pa nastupnym adrasie: nastaunik.info/lastouski .
Vyniki buduć abvieščanyja 30 červienia. Pieramožcy atrymajuć hanarovyja šyldy i dyplomy padčas uračystaj cyrymonii letam 2007 hoda, a taksama atrymajuć mahčymaść vydańnia dapamožnika pa kursie, jaki vykładajuć.
Kamientary