20 kastryčnika ŭ tureckim horadzie Antalja zaviaršylisia spabornictvy VIII čempijanatu śvietu pa pažarna-ratavalnym sporcie. Biełaruskaja kamanda zavajavała pieršaje ahulnakamandnaje miesca, paviedamlaje sajt MNS.
U apošni dzień spabornictvaŭ u prahramie byŭ tolki adzin vid — bajavoje razhortvańnie. Zbornaja Biełarusi pakazała vynik 25.85 siek i zaniała druhoje miesca ŭ hetym vidzie prahramy.
Pieršymi stali niepieramožnyja ŭ hetym vidzie prahramy čechi, jakija pabili ŭłasny rekord śvietu. Ich vynik — 25.14 siekund. Treciaje miesca zaniała zbornaja kamanda Słavakii (25.98).
Takim čynam, u zbornaj našaj krainy pieršaje miesca ŭ ahulnakamandnym zaliku.
Nahadajem, u pieršy dzień spabornictvaŭ u asabistym zaliku ŭ padjomie na 4-ty pavierch vučebnaj viežy Uładzimir Stralčenia zavajavaŭ zołata, a Dźmitryj Simakoŭ — bronzu. U hetym vidzie naša kamanda była druhoj.
U piatnicu kamanda Biełarusi pieramahła ŭ spabornictvach u biehu na 100 mietraŭ ź pieraškodami. Biełarus Uładzimir Stralčenia pakazpaŭ fantastyčna stabilnyja vysokija vyniki. 15,03 siekund u druhoj sprobie akazalisia nie prosta lepšym vynikam dnia. U dvajaborji ratavalnikaŭ (sumujucca vyniki padjomu na 4-ty pavierch vučebnaj viežy + 100 mietraŭ ź pieraškodami) biełarus ustalavaŭ novy suśvietny rekord! (28.05 = 13.02 + 15.03). Treciaje miesca ŭ dvajaborji — u biełarusa Maksima Šaporava.
U piatnicu taksama prajšła estafieta 4 pa 100 mietraŭ. Pieramohu śviatkavała zbornaja Rasii, ŭ Biełarusi — druhoje miesca, Ukraina była treciaj.
Takim čynam, pa sumie ŭsich čatyroch zalikovych vidaŭ u našaj zbornaj 6 ačkoŭ (sumujucca miescy, zaniatyja kamandaj: 2 +1 +2 +1), jakija harantavali našaj kamandzie pieršaje miesca ŭ ahulnakamandnym zaliku.
