25-ha kastryčnika va ŭtulnym pab-kłubie «Hrafici» adbudziecca kancert-prezientacyja novaha videa hurta IQ48 - «HMR live».
Hod tamu albom «HMR» vyjšaŭ na kampakt-dyskach, paźniej jaho dapoŭnienaja bonus-trek viersija była vykładzienaja ŭ internecie. Naturalna, pryjšła čarha i vizualnaj realizacyi.
Videaaalbom «HMR live» — heta zdymki vystupu hurtu ŭ adnoj ź minskich studyj. Prostaje i naturalnaje videa, jakoje pakazvaje IQ48 jak jany jość, u naturalnym vyhladzie. Nijakaj zališniaj apracoŭki i hłamurnaha hlancu tut niama! Tolki drajv i adryŭ!Tolki «HMR»!
«Ideja źniać videakancert pryjšła paśla taho, jak nam nie dali zajhrać niekalki kancertaŭ, —raspaviadaje vakalist hurta Alaksandr Rakaviec.
25 kastryčnika «zdarovyja łosi» pakažuć, jak dadzieny materyjał vyhladaje ŭ reale! Malunačak ažyvie!
Taksama połymia viasiełaha čadu ŭ hety viečar padtrymaje nadzieja biełaruskaha pank-roku, hurt Monkey Bite. Chłopcy ŭ hetym hodzie dobra pašumieli, zavajavali luboŭ aŭdytoryi i nabrali miašok muzyčnych uznaharod.
Na ŭvachodzie kožny z hledačoŭ atrymaje padarunki ad muzykaŭ, a taksama kožnaha pačastujuć kampotam, admysłova zvaranym — Heavy Monkey Rock!
Daviedki pa t.: (29) 638-44-44, (33) 638-44-44, (25) 638-44-44.
Kvitki kaštujuć 50--70 tysiač rubloŭ.
0
0
0
0
0
0
