Palitviaźni siadziać, a asudžany za «žyvy ščyt» Mianciuk na voli pa amnistyi
Jon byŭ asudžany na 5 hadoŭ kałonii, ale vyjšaŭ na hod raniej, paśpieŭšy adsiadzieć try miesiacy ŭ turmie za kradziež.
«Padkažycie, u jakim atradzie znachodzicca Raman Mianciuk», — źviarnulisia my ŭ śpiecčaść Vaŭkavyskaj kałonii №11, miesca apošniaha prytułku asudžanaha.
«Ź jakoj metaj cikaviciesia?» — «Chočam list jamu napisać». — «Dyk pišycie na chatni adras. Vyzvaliŭsia jon miesiacy dva tamu pa amnistyi».
Za kratami Mianciuk nie dasiadzieŭ amal hod.Jaho asudzili na 5 hadoŭ kałonii ahulnaha režymu 28 kastryčnika 2008. Sprava była rezanansnaj, bo da jaje mieli dačynieńnie supracoŭniki DAI.
Kab spynić Mienciuka, jaki ŭ niećviarozym stanie hnaŭ pa trasie Mikaševičy—Minsk z chutkaściu kala 160 km/h, jany pierakryli darohu cyvilnymi aŭto. Ich kiroŭcam i pasažyram pry hetym zahadali siadzieć u mašynach. U vyniku Mianciuk na aŭto prataraniŭ «žyvy ščyt».Traŭmy atrymali piać čałaviek, u tym liku dzicia.
Paśla zdareńnia 2 sakavika 2008 Mienciuka nie aryštavali, jon vyjechaŭ u Rasiju i navat udzielničaŭ u prahramie Andreja Małachava «Niachaj havorać»: vypusk byŭ pryśviečany akurat «žyvomu ščytu» pad Minskam. I tolki potym jaho abjavili ŭ vyšuk. Zatrymali Mienciuka z žonkaj u Maskvie ŭ lipieni.
Vaŭkavyskaja kałonija stała apošniaj u śpisie Mienciuka, ale nie adzinaj.Viadoma, što jaho niekalki razoŭ paśla vyniasieńnia prysudu etapavali. Jon byŭ pryznany złosnym parušalnikam, za što jamu admaŭlali ŭ źmiakčeńni miery strymańnia, a taksama va ŭmoŭna-daterminovym vyzvaleńni. Padčas adbyćcia pakarańnia jon pravioŭ try miesiacy ŭ turmie za kradziež.
Žonka Mienciuka Volha atrymała dva hady ŭmoŭna za pieradaču kiravańnia aŭto niećviarozamu mužu.Supracoŭnikaŭ DAI, što stvaryli «žyvy ščyt», zvolnili i asudzili na 2 hady ŭmoŭna z adterminoŭkaj na 3 hady.
Ciapier čytajuć
Pamiatajecie Taćcianu Zareckuju, jakaja sa skandałam zvalniałasia z Kabinieta Cichanoŭskaj? U Estonii jaje padazrajuć u machlarstvie49
Kamientary