Ci jość šancy ŭ N.R.M. biez Volskaha: siońnia — pieršy tur adboru na Jeŭrabačańnie 14

U nacyjanalnym adbory na mižnarodny konkurs pieśni «Jeŭrabačańnie-2013» voźmuć udzieł bolš za 80 artystaŭ i kalektyvaŭ.

Jak paviedamiła pres-słužba Biełteleradyjokampanii, siarod pretendentaŭ jak navički, tak i zorki.

Prasłuchoŭvańnie ŭdzielnikaŭ prafiesijnym žury adbudziecca 30 i 31 kastryčnika, paśla čaho stanuć viadomyja imiony vykanaŭcaŭ, jakija prajšli ŭ nastupny etap.

Prasłuchoŭvańnie budzie arhanizavana ŭ maksimalna adkrytym farmacie, z pryciahnieńniem pradstaŭnikoŭ drukavanych i elektronnych ŚMI.

Finał nacyjanalnaha adboru, pavodle vynikaŭ jakoha budzie vyznačany pradstaŭnik Biełarusi na konkursie «Jeŭrabačańnie-2013», projdzie 7 śniežnia.

Nahadajem, arhanizataram adboru źjaŭlajecca Nacyjanalnaja dziaržaŭnaja teleradyjokampanija Biełarusi. Adbor pravodzicca ŭ adpaviednaści z praviłami konkursu, jakija ŭstanoŭleny Jeŭrapiejskim viaščalnym sajuzam. Mižnarodny konkurs pieśni «Jeŭrabačańnie-2013» projdzie ŭ mai nastupnaha hoda ŭ Malmio (Šviecyja).

Zaznačym, što zajaŭku na biełaruski adbor na padaŭ hurt N.R.M., jaki zaraz uznačalvaje Pit Paŭłaŭ. Jany zajavili pieśniu «Kuźnička».

Pit Paŭłaŭ, ličyć, što jana maje 100-adsotkavyja šancy na pieramohu.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH