Tavarystva achovy pomnikaŭ zaklikaje ŭdzielničać u abmierkavańni prajekta hatela na Vaładarskaha
Aznajomicca z materyjałami prajekta možna ŭ chole Administracyi Maskoŭskaha rajona pa praśpiekcie Dziaržynskaha, 10.
Administracyja Maskoŭskaha rajona arhanizavała hramadskaje abmierkavańnie prajekta hatela na pierasiačeńni vulic Vaładarskaha i Haradski Vał.
«Hramadskaje abmierkavańnie — unikalnaja mahčymaść pazbavicca ad pierśpiektyŭnaj zabudovy, jakaja źniščaje jakasnyja charaktarystyki pomnikaŭ historyi i kultury, pazbaŭlaje horad apošnich zialonych kutočkaŭ, zahaniaje prostych haradžan z adnosna zručnych i kamfortnych umoŭ pražyvańnia ŭ kamiennyja džunhli.Pazbavicca ad abjektaŭ, jakija ničoha nie dadajuć u skarbonku staličnaj architektury, jakija dajuć peŭnyja vyhody niadobrasumlennym inviestaram, prajekciroŭščykam i čynoŭnikam», — havorycca na sajcie Biełaruskaha dobraachvotnaha tavarystva achovy pomnikaŭ historyi i kultury. — «Tak nie zastavajciesia ž u baku. Vykarystajcie hetuju mahčymaść, kab nie dapuścić čarhovaj pabudovy na samaj miažy našaha, užo i tak šmatpakutnaha, Histaryčnaha centra. Pabudovy, jakaja parušyć šmatlikija narmatyŭna-pravavyja i techničnyja dakumienty, jakaja nie dadaść ničoha stanoŭčaha ŭ architekturny i horadabudaŭničy asiarodak Minska».
Inviestaram vystupaje tureckaja kampanija, zarehistravanaja ŭ kancy minułaha hoda jak zamiežnaje tavarystva z abmiežavanaj adkaznaściu «ARAS Inviest». Prajektam zajmajecca «Tvorčaja majsternia-7» pad kiraŭnictvam A.Cejtlina..
Aznajomicca z materyjałami prajekta možna ŭ chole Administracyi Maskoŭskaha rajona pa praśpiekcie Dziaržynskaha, 10.
Termin aznajamleńnia z prajektam — da 12 listapada, a piśmovyja prapanovy i zaŭvahi možna dasyłać da 22 listapada ŭ Maskoŭski rajvykankam: 220036, h.Minsk, pr-t.Dziaržynskaha, 10, ci pa faksie 200-57-60.
Ciapier čytajuć
Zialenski ŭ Vilni: Pakul špic Łukašenki maje bolš pravoŭ, čym narod Biełarusi11
Kamientary