Ivaškievič: Dziŭna, što Milinkievič admaŭlajecca iści na Banhałor

Zajavu Alaksandra Milinkieviča pra admovu ŭdzielničać 26 krasavika ŭ šeści ad Akademii Navuk da Čarnobylskaj kaplicy kamentuje namieśnik staršyni Partyi BNF, siabra Arhkamitetu «Čarnobylskaha šlachu» Viktar Ivaškievič:

«Dziŭna, što lider Abjadnanych demakratyčnych siłaŭ Alaksandr Milinkievič robić takija zajavy, ni z kim z hetych Abjadnanych demakratyčnych siłaŭ papiarednie nie paraiŭšysia. Mahčyma, Alaksandr Milinkievič ličyć, što jon maje prava nikudy nie chadzić, tym bolš, što ŭ arhanizacyi Čarnobylskaha Šlachu jon nia braŭ nijakaha ŭdziełu.

Vielmi škada i vielmi dziŭna, štoMilinkievič ličyć prykrym pryjści 26 krasavika razam ź inšymi ŭdzielnikami akcyi da Čarnobylskaj kaplicy j ušanavać pamiać achviaraŭ katastrofy na ČAES. «Dvaccać adna chvilina maŭčańnia» — tak my nazvali hetaje ŭšanavańnie adpaviedna z 21‑aj hadavinaj z dnia katastrofy, padčas jaho buduć zapalenyja tysiačy śviečak, pračytanyja malitvy za dušy achviaraŭ Čarnobylu, a taksama prahučyć Čarnobylski zvon, jaki byŭ zrobleny biełaruskimi mastakami jašče ŭ 1989 hodzie da pieršaha Čarnobylskaha Šlachu.

Na pasiedžańni apošniaha Arhkamitetu Čarnobylskaha Šlachu rašeńnie pra maršrut «płošča Jakuba Kołasa — Akademija navuk — Čarnobylskaja kaplica» byŭ pryniaty adzinahołosna. Za takoje rašeńnie vykazalisia lider Partyi BNF Vincuk Viačorka, jaho namieśniki Viktar Ivaškievič i Alaksiej Janukievič, siabra Somu Partyi BNF Juraś Ziankovič, namieśnik lidera AHP Ihar Šynkaryk, siabra Palitrady AHP Valancina Palevikova, lider niezarehistravanaj arhanizacyi Małady Front Źmicier Chviedaruk i namieśnik staršyni BSDP(H)Anatol Sidarevič.

Dziŭna, što AlaksandrMilinkievič nie prapanuje nijakaha inšaha varyjantu maršrutu Čarnobylskaha Šlachu. Takija zajavy vyklikajuć pytańni nakont taho, ci źbirajecca jon pryjści da Akademii navuk. A moža paśla 25 sakavika Milinkievič vyrašyŭ syści ŭ palityčny cień i čakać nastupnych prezydenckich vybaraŭ? Vielmi šmat pytańniaŭ, adkazy na jakija chaciełasia b daviedacca jak maha chutčej».

Viktar Ivaškievič zaklikaje prychodzić 26 krasavika a18:00 na płošču Jakuba Kołasa ci da Akademii navuk dla ŭdziełu ŭ Čarnobylskim šeści'2007. «Biarycie z saboj śviečki, — zaklikaje Viktar Ivaškievič, — my zapalim tysiačy śviečak kala Čarnobylskaj kaplicy ŭ znak pamiać pra achviaraŭ katastrofy».

• 0
• 0
• 0
• 0
• 0
• 0
• 0
• 0