Vybuchovaja pryłada była źmieščana i zakamufliravana ŭ mietaličnaj blašancy
Heta nie pra vybuch u Viciebsku la budynka KDB 11 listapada 2012 hoda. Heta z vyraku sudu pa spravie nakont vybuchu ŭ Viciebsku 14 vieraśnia 2005 hoda.
Pryłady, jakija vybuchnuli ŭ Viciebsku 14 i 22 vieraśnia 2005 hoda, byli padobnyja na pieršuju pa adnym paramietry — zakamuflavanyja pad napoi: blašanka 0,33 litra ŭ pieršym i blašankaz-pad piva 0,5 litra ŭ druhim vypadku.
A voś aficyjnaja infarmacyja pra vybuch 11 listapada 2012 hoda z sajta KDB Biełarusi:
«Kardonny ci płastmasavy tubus, načynieny 50–70 hramami piratechničnaj sumiesi i źmieščany ŭ blašanku jomistaściu 0,25–0,33 litra biez paražalnych elemientaŭ. U dziejańnie pryviedziena ahniavym sposabam (šlacham padpału)».
Z nahody hetaha vybuchu raspačali kryminalnuju spravu pavodle artykuła 339 Kryminalnaha kodeksa (chulihanstva). Taksama spačatku kvalifikavalisia vybuchi ŭ 2005 hodzie, paźniej pierakvalifikavanyja ŭ teraryzm.
Pryłada ŭ 2005 hodzie była pryviedzienaja ŭ dziejańnie z dapamohaj knota ci inšaj nieŭstanoŭlenaj vykanaŭčaj pryłady.Farmuloŭka «inšaja nieŭstanoŭlenaja vykanaŭčaja pryłada» — heta z kančatkovaha abvinavačańnia Kanavałavu i Kavalovu.
Pryłada, jakaja spracavała la viciebskaha KDB, adroźnivajecca ad pryładaŭ 2005 hoda tym, što nie mieła paražalnych elemientaŭ.
Uviečary 23 vieraśnia 2005 KDB adrapartavaŭ, što padazravanyja zatrymanyja. Praz tydzień Łukašenka skazaŭ, što «ŭ Viciebsku hetyja dva achłamony ŭzarvali imitacyjnaje prystasavańnie i dumali, što ich nie znojduć. Ich chutka vyličyli, znajšli, i jany ŭžo raspaviali, dzie brali porach i jak chacieli papužać ludziej u miescach».
Havorka išła pra bratoŭ Muraška, jakich praz paŭhoda ŭtrymańnia ŭ SIZA vypuścili. A vybuch u vyniku prypisali Kanavałavu zatrymanamu amal praz 6 hadoŭ.
Što ciapier?
«U vyniku nieadkładnych śledčych dziejańniaŭ i na padstavie pakazańniaŭ śviedak zatrymanyja try čałavieki, adzin ź jakich z vonkavymi prykmietami adchileńniaŭ ad narmalnych pavodzinaŭ raniej ažyćciaŭlaŭ telefonnyja zvanki ŭ UKDB ź niekarektnymi vykazvańniami ŭ adras orhanaŭ ułady», — paviedamlaje KDB.
