Hramadstva5555

Sańnikaŭ žorstka skrytykavaŭ Vilenski miemarandum apazicyi za niuansy

Eks-kandydat na vybarach prezidenta 2010 h., były palitviazień Andrej Sańnikaŭ, jaki atrymaŭ palityčny prytułak u Vialikabrytanii, nazvaŭ Vilenski memarandum biełaruskaj apazicyi «škodnym i niebiaśpiečnym».

U intervju Svabodzie lidar «Jeŭrapiejskaj Biełarusi» zajaviŭ, što arhanizatary vilenskaj sustrečy apazicyi 3 listapada nie dapuścili da pieramovaŭ ich pradstaŭnika.

Andrej Sańnikaŭ tak patłumačyŭ, čamu jon nie padpisaŭ Vilenski miemarandum:

«Ja prafiesijna hladzieŭ hety miemarandum, i chaču skazać, što tak dakumienty ŭvohule nie robiacca. Toj, chto jaho čytaŭ, zaŭvažyć, što heta prosta niepiśmienny dakumient, a ja liču, što jon jašče i niebiaśpiečny, bo tam jašče jość rečy, jakija nakiravanyja nie na abaronu niezaležnaści Biełarusi, a suprać.

Pieršaje, što ŭ mianie vyklikaje pytańni, heta kali zhadka pra palitviaźniaŭ idzie niejak uskosna. Ja liču, što zaraz takaja situacyja, što kožnuju sustreču treba vykarystoŭvać dla taho, kab patrabavać vyzvaleńnia palitviaźniaŭ i pajmienna ŭsich ich nazyvać. Bo iduć peŭnyja hulni, kab kahości ličyć palitviaźniem, a kahości nie. Hetym pavinna pačynacca i zakančvacca lubaja sustreča. Voś my zaraz sustrakajemsia z „Jeŭrapiejskaj Biełaruśsiu“ ŭ Varšavie, abmiarkoŭvajem usie pytańni, i pieršaje, što my abmiarkoŭvali, — heta pytańnie pa palitviaźniach.

Druhoje — toje, što tam kažacca pra samaizalacyju Biełarusi. Viedajecie, heta dasiahnieńnie ŭsich palityčnych siłaŭ, usioj apazicyi, što jość samaizalacyja dyktatarskaha režymu Łukašenki i niama samaizalacyi Biełarusi, bo i hramadskija dziejačy, i palityki sustrakajucca na samym vyšejšym uzroŭni ź jeŭrapiejcami, amierykancami, z palitykami Rasii, Ukrainy.

Treciaje — toje, što tam kažuć pra toje, što treba patrabavać harantyj niezaležnaści Biełarusi. Byccam by nichto nie viedaje, što hetyja harantyi byli atrymanyja nami ŭ 1994 h. I ja nie dumaju, što tyja, chto rychtavaŭ hety dakumient, nie viedali pra heta. Ja liču, što heta było zroblena naŭmysna. Ja b prosta zvolniŭ tych ludziej, chto hetym zajmaŭsia. Taksama tam zhadvajecca aŭtarytarny režym, a nie tatalitarny ci dyktatura i šmat inšych rečaŭ. Ja liču, što miemarandum prosta niebiaśpiečny. Padpisvacca pad takimi niebiaśpiečnymi rečami ja prosta nie mahu i z prafiesijnaha punktu hledžańnia, i z punktu hledžańnia marali».

Pavodle spadara Sańnikava, šmat pytańniaŭ padčas padrychtoŭki miemarandumu źniałosia b, kali b pradstaŭniku «Jeŭrapiejskaj Biełarusi» nie admovili ŭ pravie prysutničać u naradzie apazicyi 3 listapada ŭ Vilni.

Proźvišča hetaha pradstaŭnika spadar Sańnikaŭ nie nazvaŭ.

Andrej Sańnikaŭ pradkazvaje, što nijakaj kaardynacyi pavodle hetaha miemarandumu siarod tych, chto jaho padpisaŭ, nie budzie. Nakont dalejšych kantaktaŭ «Jeŭrapiejskaj Biełarusi» z hetymi strukturami spadar Sańnikaŭ zajaviŭ:

«My zaŭsiody pracavali z usimi, i ŭ nas jość razumieńnie, što takoje Rada BNR, my zaŭsiody pavažliva stavilisia da jaje jak da simvału našaj historyi, da taho orhanu, jaki pavinien budzie simvalična zaćvierdzić demakratyzacyju i niezaležnaść Biełarusi ŭ blizkaj budučyni, ja spadziajusia».

Kamientary55

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Znojdziena cieła supracoŭnicy viciebskaj chimii — jaje šukali dva z pałovaj hady

Znojdziena cieła supracoŭnicy viciebskaj chimii — jaje šukali dva z pałovaj hady

Usie naviny →
Usie naviny

U Wildberries znajšli tavary z «ekstremisckaj» simvolikaj4

Infarmacyju znajšli na kampjutary čałavieka ź Biełarusi. Stała viadoma, što za prablema ź biaśpiekaj była ŭ «Bajchełp»11

Ivulin: U mianie było rename «hrazy pieršakurśnic». Kožny hod ja, jak Źmiej Harynyč, prylataŭ i zabiraŭ samuju pryhožuju8

Hrybniki zapisvajuć videa, jak prosta ŭ lesie jaduć «čortavy jajki»4

Dziaržaŭnyja sacyjołahi: Biełarusy najpierš źviazvajuć svaju dziaržaŭnaść ź Vialikim Kniastvam Litoŭskim27

U Mahilovie ŭrahan źnios z bałkona norkavaje futra, jakoje znajšłosia za try kiłamietry ad doma3

Tramp adhavaryŭ respublikancaŭ ad padtrymki zakona ab «piakielnych sankcyjach» suprać Rasii8

Niešta zaharełasia na zavodzie «Kieramin» VIDEA1

U Minsku razhladajuć prajekt treciaha transpartnaha kalca

bolš čytanych navin
bolš łajkanych navin

Znojdziena cieła supracoŭnicy viciebskaj chimii — jaje šukali dva z pałovaj hady

Znojdziena cieła supracoŭnicy viciebskaj chimii — jaje šukali dva z pałovaj hady

Hałoŭnaje
Usie naviny →

Zaŭvaha:

 

 

 

 

Zakryć Paviedamić