Sud aštrafavaŭ staršyniu homielskaj supołki «Spraviadlivaha śvietu»
14 listapada sud Čyhunačnaha rajona Homiela razhledzieŭ administratyŭnuju spravu staršyni homielskaj abłasnoj arhanizacyi partyi levych «Spraviadlivy śviet» Uładzimira Siakierki.Pavodle artykuła 23.4 KoAP (niepadparadkavańnie zakonnym patrabavańniam słužbovych asob) sudździa Anatol Sotnikaŭ pastanaviŭ aštrafavać palityka na 20 bazavych vieličyń (2 młn rubloŭ).
Sprava suprać Siakierki była pačata paśla taho, kali jon 14 kastryčnika paśla patrabavańnia pamiežnikaŭ admoviŭsia pakinuć ciahnik Čarnihaŭ — Homiel, što pryviało da zatrymki transpartnaha srodku.
Uładzimir Siakierka vinu nie pryznaŭ, bo ličyć dziejańni pamiežnikaŭ niepravamocnymi i niezakonnymi: zhodna z artykułam 17 zakona «Ab orhanach pamiežnaj słužby» pry abmiežavańni pravoŭ hramadzian supracoŭnik pamiežnaj słužby abaviazany rastłumačyć, pa jakich pryčynach adbyvajecca abmiežavańnie pravoŭ.
«Ja prasiŭ rastłumačyć, ale nichto hetaha nie zrabiŭ.U raparcie było napisana dakładna tak: „Vyjaŭleny hramadzianin, jaki znachodziŭsia ŭ śpisach pa daručeńni pravaachoŭnych orhanaŭ“. Na sudzie ja prasiŭ rastłumačyć: jakija śpisy, chto mianie tudy ŭnios, i jak ź ich vyjści. Ale taksama nichto nie adkazaŭ. Jašče da suda ja pisaŭ skarhu kiraŭnictvu pamiežnaj hrupy, dzie zadavaŭ tyja ž pytańni, ale taksama nie atrymaŭ adkazaŭ», — havoryć Siakierka.
Palityk płanuje skardzicca ŭ prakuraturu i prasić razabracca: što za śpisy mieli na ŭvazie pamiežniki.
Ciapier čytajuć
Dźmitryja Łukašenki nie było z baćkam i bratami na adznačeńni 3 Lipienia17
Kamientary