Reforma MUS maje na ŭvazie nie kardynalnuju łomku viedamstva, a aptymizacyju struktury. Ab hetym zajaviŭ siońnia Alaksandr Łukašenka na naradzie pa pytańni refarmavańnia MUS.
«Asnoŭnaj metaj pieraŭtvareńniaŭ źjaŭlajecca nie kardynalnaja łomka viedamstva, dy nam heta i nie treba, a kanstruktyŭnaje ŭdaskanaleńnie jaho raboty, kab zabiaśpiečvałasia abarona ludziej, hramadstva, dziaržavy ad złačynnych zamachaŭ z ulikam sučasnych źjaŭ i tendencyj. Heta značyć, hałoŭnaja zadača — milicyja pavinna być prystasavanaja da situacyi ŭ krainie i vakoł našaj dziaržavy», — miarkuje Alaksandr Łukašenka.
Na dumku Łukašenki, u pieršuju čarhu dla hetaha patrabujecca aptymizavać strukturu orhanaŭ unutranych spraŭ, zrabić jaje praściejšaj, vyklučyć dublujučyja źviony.
Akramia taho, nieabchodna skaracić kolkaść, vyzvalić milicyju ad nieŭłaścivych joj funkcyj, pryvieści vajskovy składnik u adpaviednaść z patrabavańniami siońniašniaha dnia.
Łukašenka padkreśliŭ, što takuju pracu treba pravieści na ŭsich uzroŭniach: ad učastkovaha inśpiektara milicyi, nadaŭšy jamu asnoŭnuju ŭvahu, da kiraŭničych aparataŭ orhanaŭ unutranych spraŭ.
Łukašenka miarkuje, što pry zachavańni abjomaŭ finansavańnia heta dazvolić pavialičyć materyjalnaje stymulavańnie supracoŭnikaŭ, nie abciažarvajučy dziaržaŭny biudžet dadatkovymi vydatkami.«Inakš kažučy, usio, što atrymajecca zekanomić u chodzie refarmavańnia MUS, pavinna zastacca i zastaniecca ŭ vas dla taho, kab raźmierkavać u suviazi z vašymi patrebami», — rastłumačyŭ jon.
Łukašenka akcentavaŭ uvahu na nieabchodnaści vyznačyć hałoŭnyja napramki refarmavańnia, zychodziačy z asnoŭnaha pryznačeńnia orhanaŭ unutranych spraŭ, pry hetym nie zabyvać ab unutranych reziervach, jakija varta vykarystoŭvać u poŭnaj miery.
U jakaści prykładu jon pryvioŭ transpartnuju milicyju, na dolu jakoj prypadaje kala 1% złačynstvaŭ, što rehistrujucca ŭ krainie.
«Vidavočna, što ŭzrovień nahruzki na asabisty skład tam na niekalki paradkaŭ nižejšy, čym u terytaryjalnych orhanach. U hetaj suviazi zakanamierna paŭstaje pytańnie ab likvidacyi padobnaha dysbałansu. Sistema transpartnaj biaśpieki budavałasia hadami i na praciahu dziesiacihodździaŭ zastavałasia absalutna niaźmiennaj. Choć adbylisia značnyja zruchi i u techničnym asnaščeńni, i ŭ arhanizacyi raboty słužby. Dy i toj dziaržavy, vielizarnaj pa terytoryi, nie isnuje, kali stvarałasia transpartnaja milicyja, tady heta było abhruntavana», — skazaŭ jon.
U suviazi z hetym Łukašenka padkreśliŭ, što rašeńnie pavinna być usiebakova uzvažanym i abhruntavanym, što dazvalaje nie tolki racyjanalna pierabudavać rabotu, ale i zachavać intaresy ludziej.
Kamientary